AEVESO 6
6
1 #
Ako 3.20. Syana, mew’ei ala mamũsyaie nthĩnĩ wa Mwĩaĩi: nũndũ ũu nĩw’o waĩle. 2#Kuma 20.12.Taĩa au na mwenyu (naw’o nĩ mwĩao wa mbee wĩ na watho), 3#Kũt 5.16.nĩ kana kwĩthĩwe ũseo kwaku, na wĩkale mũno kũũ nthĩ. 4#Ako 3.21; Isa 50.5; Nth 2.2; 3.11; 19.18; Kũt 6.7,20–25; Sav 78.4.Na, inyw’ĩ aaĩthe, mũikathatye syana syenyu: ĩndĩ ieei na mosilĩlo na motao ma Mwĩaĩi.
5 #
Ako 3.22–25; Tito 2.9,10; 1 Vet 2.18. Ngombo, mew’ei mavwana menyu kwondũ wa mwĩĩ, na w’ĩa na kũtetema, na ũthalĩku wa ngoo syenyu, ta kũmwĩw’a Klĩsto; 6ti kwa ũthũkũmi wa kũsyaĩĩw’a, ta endeesya ma andũ; ĩndĩ ta ngombo sya Klĩsto, mũkĩka na ngoo ũndũ wendetwe nĩ Ngai; 7mũkĩthũkũma na kwenda kũseo, ta mũũthũkũma Mwĩaĩi, na ti andũ: 8#2 Ako 5.10.mũkĩmanya kana ũndũ ũseo o na wĩva ũla mũndũ wĩkaa, akoosa o w’o ĩngi kuma kwa Mwĩaĩi, e ngombo, kana ate ngombo. 9#Ako 4.1; 2 Mav 19.7; Meko 10.34.Na inyw’ĩ mavwana, mekei maũndũ o asu, na ekai kũmakandĩa: mũkĩmanya kana Vwana woo, nowe wenyu, e ĩtunĩ, na kwake kũi wendeesyo wa andũ.
Mĩio ya kaũ ya Mũklĩsto
10 #
1 Ako 16.13; 1 Yoa 2.14. Kũminũkĩlya, ithiwai na vinya nthĩnĩ wa Mwĩaĩi, na vinyani wa ũtonyi wake. 11#Aev 4.14; 2 Ako 10.4.Ĩkĩai mĩio yonthe ya kaũ ya Ngai, nĩ kana mũtonye kũsiĩĩa maũĩ ma Satani. 12#Aev 2.2; Yoa 14.30; Ako 1.13; 1 Vet 5.8,9.Nũndũ kũkĩlan’ya vinya kwitũ ti kũkĩlan’ya na mwĩĩ na nthakame, ĩndĩ ni kũkĩlan’ya na monene, na mokũmũ, na ala masumbĩkĩte kĩvindunĩ kĩĩ, na nguthu sya maveva ma ũthũku ĩtunĩ. 13#1 Asu 20.11.Kwondũ wa ũu osai mĩio yonthe ya kaũ ya Ngai, nĩ kana mũtonye kũkĩlya vinya mũthenya ũla mũthũku, na, mweeka ũu w’onthe, kũũngama. 14#Isa 11.5; 59.17; Lk 12.35; 1 Vet 1.13; 1 Ath 5.8.Ũngamai ĩndĩ, mwĩvotoete inyunyunĩ syenyu na w’o, na mwĩkĩĩte ngao ya kĩthũi ya ũlũngalu, 15#Isa 52.7; 40.3,9.na maũũnĩ menyu mwĩkĩĩte iatũ sya kwĩyũmban’ya sya ũvoo mũseo wa mũuo; 16#1 Vet 5.9; 1 Yoa 5.4.na vamwe na mĩio ĩsu yonthe mũkyosa ngao ya mũĩkĩĩo, ĩla kwondũ wayo mũkatonya kũvosya mĩsyĩ yonthe yĩ na mwaki ya ũla mũthũku. 17#1 Ath 5.8; Osea 6.5; Isa 11.4; 49.2; 51.16.Na osai ngovia ya ũtangĩĩo, na ũvyũ wa Veva, naw’o nĩ ndeto ya Ngai: 18#Mt 26.41; Ako 4.2,3.mũkĩvoya nthĩnĩ wa Veva mavinda onthe na mboya syonthe na kwĩsũva, na mũkĩsyaĩisya ũndũni ũsu na kĩthing’ĩĩsyo na kwĩsũvana kw’onthe kwondũ wa atheu onthe, 19#Ako 4.3; 2 Ath 3.1; Meko 4.29.na kwondũ wakwa nyie, nĩ kana nĩnengwe kũneena, nathamye kanyw’a wakwa na ũkũmbaũ, nonan’ye nzama ya ũvoo mũseo, 20#2 Ako 5.20; Ako 4.4.ũla kwondũ waw’o nĩ mũtũmwa mĩnyololonĩ; nĩ kana nthĩnĩ waw’o nĩneene na ũkũmbaũ, o ũndũ naĩlwe nĩ kũneena.
Mũminũkĩlyo
(AKOLOSAI 4.7–8)
21 #
Meko 20.4; Ako 4.7; 2 Tim 4.12. Ĩndĩ nĩ kana nenyu mũmanye maũndũ makwa, ũndũ ndilyĩ, Tikiko, ũla mwana‐a‐asa mwendwa, na mũthũkũmi wĩ kĩthito nthinĩ wa Mwĩaĩi, akamũtavya maũndũ onthe: 22#Ako 4.7,8.ũla nĩmũtũmĩte kwenyu kwondũ wa kĩtumi kĩĩ, kana mũmanye ũndũ tũilyĩ, na nĩ kana akiakisye ngoo syenyu.
23Mũuo nĩwĩthĩwe na ana‐a‐asa, na wendo vamwe na mũĩkĩĩo, kuma kwa Ngai Asa na Mwĩaĩi Yesũ Klĩsto. 24#1 Vet 1.8.Mumo nĩwĩthĩwe na onthe ala mamwendaa Mwĩaĩi waitũ Yesũ Klĩsto na wendo ũtanangĩkaa.
Currently Selected:
AEVESO 6: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
