Popular Bible Verses from AEVESO 6

Share

Nũndũ kũkĩlan’ya vinya kwitũ ti kũkĩlan’ya na mwĩĩ na nthakame, ĩndĩ ni kũkĩlan’ya na monene, na mokũmũ, na ala masumbĩkĩte kĩvindunĩ kĩĩ, na nguthu sya maveva ma ũthũku ĩtunĩ.

mũkĩvoya nthĩnĩ wa Veva mavinda onthe na mboya syonthe na kwĩsũva, na mũkĩsyaĩisya ũndũni ũsu na kĩthing’ĩĩsyo na kwĩsũvana kw’onthe kwondũ wa atheu onthe

Ĩkĩai mĩio yonthe ya kaũ ya Ngai, nĩ kana mũtonye kũsiĩĩa maũĩ ma Satani.

Kwondũ wa ũu osai mĩio yonthe ya kaũ ya Ngai, nĩ kana mũtonye kũkĩlya vinya mũthenya ũla mũthũku, na, mweeka ũu w’onthe, kũũngama.

na vamwe na mĩio ĩsu yonthe mũkyosa ngao ya mũĩkĩĩo, ĩla kwondũ wayo mũkatonya kũvosya mĩsyĩ yonthe yĩ na mwaki ya ũla mũthũku. Na osai ngovia ya ũtangĩĩo, na ũvyũ wa Veva, naw’o nĩ ndeto ya Ngai

Ũngamai ĩndĩ, mwĩvotoete inyunyunĩ syenyu na w’o, na mwĩkĩĩte ngao ya kĩthũi ya ũlũngalu, na maũũnĩ menyu mwĩkĩĩte iatũ sya kwĩyũmban’ya sya ũvoo mũseo wa mũuo

Kũminũkĩlya, ithiwai na vinya nthĩnĩ wa Mwĩaĩi, na vinyani wa ũtonyi wake.

Taĩa au na mwenyu (naw’o nĩ mwĩao wa mbee wĩ na watho), nĩ kana kwĩthĩwe ũseo kwaku, na wĩkale mũno kũũ nthĩ.

Syana, mew’ei ala mamũsyaie nthĩnĩ wa Mwĩaĩi: nũndũ ũu nĩw’o waĩle.