AEVESO 5
5
Endaai ta syana sya kyeni
1 #
Mt 5.48; Ako 3.12. Nũndũ wa ũu, ĩthĩwai mũkĩelekan’ya na Ngai, ta twana twendetwe; 2#Aka 2.20; Aevl 10.10; Ako 3.13; Sav 40.6; Kuma 29.18; Esek 20.41.na mũkĩendaa nthinĩ wa wendo, o ũndũ Klĩsto nake wamwendie inyw’ĩ, na eeyumya mwene kwondũ witũ, mũthĩnzĩo na nthembo kwa Ngai, yi na mũuke mũseo.
3 #
Aev 4.19; Ako 3.5. Ĩndĩ ũlaalai, na ũvuku w’onthe, na wendi, maikawetwe kati wenyu, o ũndũ kwaĩle atheu; 4#Aev 4.29; Ako 3.8.o na ũla wĩ nthoni, o na kũneena na ũtumanu, kana kũvũa ngũĩ, maũndũ asu mataĩle: ĩndĩ kavaa ni kũtũnga mũvea. 5#1 Ako 6.9,10; Ako 3.5; Meko 8.21.Nũndũ nĩmwĩsĩ ũũ vyũ, atĩ kĩlaalai, kana mũndũ mũvuku, kana mũndũ wĩ na wendi, nake ni mũthaithi wa mĩvw’anano, asu mati na ũtiĩwa o na wiva ũsumbĩnĩ wa Klĩsto na Ngai. 6#Alo 1.18; Ako 2.4,8.Mũndũ ndakamũkenge na ndeto sya mana: nũndũ kwondũ wa maũndũ aa ũthatu wa Ngai nũmokiaa ana ma ũlei. 7Mũikethĩwe mwĩ mũamba nao; 8#Aev 2.11,13; Lk 16.8; 1 Vet 2.9; Yoa 12.36.nũndũ inyw’ĩ tene mwai kĩvindu, ĩndĩ yu mwĩ kyeni nthĩni wa Mwĩaĩi: endaai ta syana sya kyeni 9(nũndũ ũsyao wa kyeni wĩ nthĩnĩ wa ũseo w’onthe na ũlũngalu na w’o), 10#Alo 12.2.mũkĩthima maũndũ ala mamwendeeasya Mwĩaĩi; 11#Yoa 16.8.na mũikethĩwe na mũamba na mawĩa ma kĩvindu mate na ũsyao, ĩndĩ kavaa nĩ kũmakan’ya; 12#Alo 1.24.nũndũ maũndũ ala mekawa nĩmo kĩmbithĩ nĩ nthoni o na kũmaweta. 13#Yoa 3.20,21.Ĩndĩ maũndũ onthe makanw’a nĩmonananw’a nĩ kyeni: nũndũ kĩla ũndũ wonanĩtw’e no kyeni. 14#Isa 26.19; 60.1; Alo 13.11; 6.13.Kwondũ wa ũu easya, Amũka, we ũla ũkomete, noithayũũka kuma kwa akw’ũ, na Klĩsto akakũtisĩa.
15 #
Mt 10.16; Ako 4.5. Ĩsũvĩei ĩndĩ nesa ũndũ mũendaa, ti ta ala mate na ũĩ, ĩndĩ ta ala oĩ; 16mũkĩtangĩĩa ĩvinda, nĩkwĩthĩwa mĩthenya nĩ myathe. 17#Alo 12.2.Kwondũ wa ũu mũikethĩwe atumanu, ĩndĩ manyai kwenda kwa Mwĩaĩi ũndũ kũilyĩ. 18#Nth 23.31; Lk 21.34.Na mũikatoonw’e nĩ mbinyu, nayo ĩ mĩkwa mĩthũku, ĩndĩ usũwai nĩ Veva; 19#Ako 3.16; Sav 33.2,3.mũkĩneena ene kwa ene na savuli na mbathi sya kũmũkumya Ngai na mbathi sya veva, mũkĩmwinĩa Mwĩaĩi na kũmũtaia ngoonĩ syenyu; 20#Ako 3.17.mũkĩmũtũngĩa Ngai Asa mũvea, mavinda onthe kwondũ wa maũndũ onthe, syĩtwanĩ ya Mwĩaĩi waitũ Yesũ Klĩsto; 21#1 Vet 5.5.mũkĩnyivanĩsya ene kwa ene nũndũ wa kũmũkĩa Klĩsto.
Mwĩkalo wa mũsyĩ wa Mũklĩsto
(AKOLOSAI 3.18—4.1)
22 #
Mwa 3.16; Ako 3.18; 1 Vet 3.1. Inyw’i iveti, ĩnyivĩsyei aũme menyu ta mwinyivĩsye Mwĩaĩi. 23#1 Ako 11.3; Ako 1.18.Nũndũ mũndũ mũũme nĩ mũtwe wa kĩveti, o tondũ Klĩsto nake nĩ mũtwe wa ikanisa, nake nĩ mũtangĩĩi wa mwĩĩ. 24Ĩndĩ o ũndũ ikanisa yimwinyivĩasya Klĩsto, o ta ũu iveti nasyo nĩsyinyiviasye aũme masyo maũndũni onthe. 25#Ako 3.19.Aũme, endai iveti syenyu, o ũndũ Klĩsto wendie ĩkanisa, na enengane mwene kwondũ wayo; 26#Tito 3.5.nĩ kana ayĩvathan’ye, ayĩtheetye ũndũ wa kũthambya na manzĩ nthinĩ wa ndeto, 27#Sav 45.13; 2 Ako 11.2.nĩ kana atonye kwĩnenga mwene ĩkanisa ĩtaie, yĩte na ilanga kana ũkũnzanu kana ũndũ ũngĩ ta asu; ĩndĩ nĩ kana yĩthĩwe itheu yĩte na ũndũ ũtaĩle. 28O ta ũu aũme namo nĩmaĩlwe nĩ kũsyenda iveti syoo o ũndũ mendete mĩĩ yoo ene. Ũla wendaa kĩveti kyake eyendaa mwene: 29nũndũ vai mũndũ waamena mwĩĩ wake o na ĩndĩĩ; ĩndi nĩwũnengae lĩu na kũũsũvĩa, o tondũ Klĩsto ũyĩsũvĩaa ikanisa; 30#Aev 1.23; 1 Ako 6.15; Mwa 2.23.nũndũ twĩ mamutha ma mwĩĩ wake. 31#Mwa 2.24.Kwondũ wa ũu mũndũ akatia ĩthe na inyia, na akalũman’ya na kĩveti kyake; na me elĩ makatw’ĩka mwĩĩ ũmwe. 32#Ũvu 19.7.Nzama ino nĩ nene: ĩndĩ nĩneena ũvoo wa Klĩsto na ĩkanisa. 33Ĩndĩ kĩla mũndũ wenyu nakyende kĩveti kyake o ũndũ wĩyendete mwene; na kĩveti nĩkĩmũkĩe mũũme.
Currently Selected:
AEVESO 5: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
