AVILIVI 1
1
Ngethi
1 #
1 Ako 1.2; 1 Tim 3.1,8. Vaulo na Timotheo, ngombo sya Klĩsto Yesũ, valũa ũũ witũ ũmavikĩe atheu onthe nthĩnĩ wa Klĩsto Yesũ ala me Vilivi, vamwe na asyaĩĩsya na athũkũmi: 2#Alo 1.7.Mumo nĩwĩthĩwe nenyu na mũuo kuma kwa Ngai Asa waitũ na Mwĩaĩi Yesũ Klĩsto.
Mũvea wa Vaulo na ũtanu wake
3 #
Alo 1.8; 1 Ako 1.4. Nĩmũtũngĩa Ngai wakwa mũvea o yĩla ngũmũlilikana, 4mavinda onthe kwĩsũvananĩ kwakwa kw’onthe kwondũ wenyu inyw’onthe ngĩsũvana na ũtanu, 5nũndũ wa mũamba wenyu nthĩnĩ wa kũnyaĩĩkya ũla ũvoo mũseo, kuma mũthenya wa mbee kũvika o na yu; 6#Avi 2.13; 1 Ako 1.6–8.nĩnĩsĩ vyũ ũndũ ũũ, kana we ũla wambĩlĩlye wĩa mũseo nthĩnĩ wenyu akawĩanĩsya kũvika mũthenya wa Yesũ Klĩsto: 7o ũndũ kwaĩlĩte kwakwa kũlilikana ũu kwondũ wenyu ĩinyw’onthe, nĩkwĩthĩwa mwĩ ngoonĩ yakwa, nũndũ inyw’onthe mwĩ osi ma mumo vamwe nakwa, kwovwanĩ kwakwa, o na nthĩnĩ wa kũwũkitĩa na kũlũlũmĩlya ũla ũvoo mũseo. 8#Alo 1.9; 2 Ako 1.23; 1 Ath 2.5.Nũndũ Ngai nĩ ngũsĩ yakwa, ũndũ nĩmwendaa inyw’onthe na matei mololo ma Klĩsto Yesũ.
Mboya yake ũndũ wa asomi make
9ũũ nĩw’o nĩvoyaa, kana wendo wenyu wingĩve mũno mbee nthĩnĩ wa ũmanyi na ũĩ w’onthe; 10#Alo 2.18; 12.2; 1 Ath 5.23; Aevl 5.14.nĩ kana mũmetĩkĩle maũndũ ala maseo mbee; nĩ kana mwĩthĩwe ma w’o na mũte na molulutĩkyo kũvika mũthenya wa Klĩsto; 11#Aev 5.9; 1.6,12,14; Yoa 15.8. mũkyusũwa nĩ mosyao ma ũlũngalu, ala me kwondũ wa Yesũ Klĩsto, nĩ kana Ngai ataĩwe na akathwe.
Maũndũ ala maumbũkie nũndũ wa kwovwa kwake
12 #
2 Tim 2.9. Ĩndĩ, ana‐a‐asa, nĩngwenda mũmanye, kana maũndũ ala mangwatie nĩmo matumĩte ũla ũvoo mũseo ũendeea na mbee; 13#Avi 4.22; Aev 3.1.ũkethĩa o na kwovwa kwakwa nĩkũmanyĩkĩte vyũ nĩ asikalĩ onthe ala masũvĩaa nyũmba ya mũsumbĩ, na ala angĩ onthe, kana nĩ kwondũ wa Klĩsto; 14na vakuvĩ onthe ma ana‐a‐asa nthĩnĩ wa Mwĩaĩi, makyongelwa vinya kwondũ wa kwovwa kwakwa, me na ũkũmbaũ mũno wa kũneena ndeto ya Ngai vate w’ĩa. 15Amwe nĩ w’o memũtavan’ya Klĩsto nũndũ wa kĩwĩu na motetan’yo; na angĩ nao kwondũ wa kwenda kũseo: 16amwe mekaa ũu kwondũ wa wendo, makĩmanya kana niĩtwe kwondũ wa kũwũkitĩa ũla ũvoo mũseo: 17ĩndĩ asu angĩ memũtavan’ya Klĩsto na ngananĩo, na ti ũndũ wa w’o, makĩsũanĩa kũmbũkĩlĩlya thĩna kwovwanĩ kwakwa. 18#Avi 2.17,18.Nata ĩndĩ? Ate o nzĩanĩ syonthe, ethĩwa nĩ nthĩnĩ wa wangangan’yo kana nĩ nthĩnĩ wa w’o, Klĩsto nũtavanaw’a; na kwondũ wa ũu nĩngũtana, ĩĩ, na ngatana. 19#Yovu 13.16; 2 Ako 1.11.Nũndũ nĩnĩsĩ kana ũndũ ũũ ũkangalyũkĩla kwĩthĩwa nĩ ũtangĩĩo wakwa, ũndũ wa kũvoya kwenyu na kũtethw’a nĩ Veva wa Yesũ Klĩsto, 20#1 Vet 4.16.kwĩanana na kũsyaĩĩsya mũno na kwĩkwatya kwakwa, kana ũndũnĩ o na wĩva ndikasonokw’a, ĩndĩ na ũkũmbaũ w’onthe, ta mavinda onthe, no ta ũu yu Klĩsto akanenevw’a mwĩĩnĩ wakwa, ethĩwa nĩ kwĩkala na thayũ, kana nĩ kũkw’a.
Thayũ kana kĩkw’ũ, kĩla kĩseo mbee nĩ kĩku?
21 #
Aka 2.20. Nũndũ kwakwa nyie kwĩkala thayũ no Klĩsto, na kũkw’a nĩ ũunĩko. 22#Alo 1.13.Ĩndĩ ethĩwa kwĩkala thayũ mwĩĩnĩ,— ethĩwa ũu nĩw’o ũsyao wa wĩa wakwa, ndiũmanya ũla nĩnyuva. 23#1 Asu 19.4; 2 Ako 5.8.Mbivinyĩtwe nĩ maũndũ asu elĩ, nĩ na mea ma kũthi nĩthĩwe vamwe na Klĩsto; nũndũ ũu nĩ ũseo mũno mbee: 24ĩndĩ kwĩkala mwĩĩnĩ kwĩ vata mũno kwondũ wenyu. 25Na ngĩkwatya ũu, nĩnĩsĩ ngekala, ĩĩ, na ngekalan’ya nenyu inyw’onthe, kwondũ wa kũendeea kwenyu na ũtanu wenyu nthĩnĩ wa mũĩkĩĩo; 26nĩ kana kwĩtaĩa kwenyu kwingĩve nthĩnĩ wa Klĩsto Yesũ kwondũ wakwa kwĩthĩwa nenyu ĩngĩ.
Ũtao wa kwĩthĩwa na ũkũmbaũ
27 #
Ako 1.10; Avi 4.3; 1 Ath 2.12. Ĩndĩ mwĩkalĩle wa thayũ wenyu wĩthĩwe waĩle ũvoo mũseo wa Klĩsto: kana, nooka na kũmwona inyw’ĩ kana o na neethĩwa nde vo, nĩĩw’a ũvoo wenyu, kana mũũngamĩte na ũlũmu vevanĩ ũmwe, mũkyũkitĩa na ngoo ĩmwe mũĩkĩĩo wa ũla ũvoo mũseo; 28na mũikatĩsw’e nĩ amaitha ũndũnĩ o na wĩva; naw’o kwoo nĩ wonan’yo vyũ wa kwaa, ĩndĩ kwenyu nĩ wa ũtangĩĩo, naw’o wumĩte kwa Ngai; 29nĩkwĩthĩwa nĩmũnengetwe kwondũ wa Klĩsto, ti kũmwĩtĩkĩla kw’oka, ĩndĩ o na kũthĩnw’a nakw’o kwondũ wake: 30#Meko 16.22.mũkyũkitaa kaũ o ũmwe ũla mwambonie nĩ naw’o, na nĩmwĩw’aa o na yu nĩ o naw’o.
Currently Selected:
AVILIVI 1: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
