Popular Bible Verses from AEVESO 5

Share

Nũndũ wa ũu, ĩthĩwai mũkĩelekan’ya na Ngai, ta twana twendetwe; na mũkĩendaa nthinĩ wa wendo, o ũndũ Klĩsto nake wamwendie inyw’ĩ, na eeyumya mwene kwondũ witũ, mũthĩnzĩo na nthembo kwa Ngai, yi na mũuke mũseo.

Ĩsũvĩei ĩndĩ nesa ũndũ mũendaa, ti ta ala mate na ũĩ, ĩndĩ ta ala oĩ; mũkĩtangĩĩa ĩvinda, nĩkwĩthĩwa mĩthenya nĩ myathe.

Na mũikatoonw’e nĩ mbinyu, nayo ĩ mĩkwa mĩthũku, ĩndĩ usũwai nĩ Veva; mũkĩneena ene kwa ene na savuli na mbathi sya kũmũkumya Ngai na mbathi sya veva, mũkĩmwinĩa Mwĩaĩi na kũmũtaia ngoonĩ syenyu; mũkĩmũtũngĩa Ngai Asa mũvea, mavinda onthe kwondũ wa maũndũ onthe, syĩtwanĩ ya Mwĩaĩi waitũ Yesũ Klĩsto

Kwondũ wa ũu mũikethĩwe atumanu, ĩndĩ manyai kwenda kwa Mwĩaĩi ũndũ kũilyĩ.

Aũme, endai iveti syenyu, o ũndũ Klĩsto wendie ĩkanisa, na enengane mwene kwondũ wayo

nũndũ inyw’ĩ tene mwai kĩvindu, ĩndĩ yu mwĩ kyeni nthĩni wa Mwĩaĩi: endaai ta syana sya kyeni

mũkĩnyivanĩsya ene kwa ene nũndũ wa kũmũkĩa Klĩsto.

Inyw’i iveti, ĩnyivĩsyei aũme menyu ta mwinyivĩsye Mwĩaĩi.

Ĩndĩ kĩla mũndũ wenyu nakyende kĩveti kyake o ũndũ wĩyendete mwene; na kĩveti nĩkĩmũkĩe mũũme.

Kwondũ wa ũu mũndũ akatia ĩthe na inyia, na akalũman’ya na kĩveti kyake; na me elĩ makatw’ĩka mwĩĩ ũmwe.

na mũikethĩwe na mũamba na mawĩa ma kĩvindu mate na ũsyao, ĩndĩ kavaa nĩ kũmakan’ya