AEVESO 4
4
Wĩtano wa Ngai wĩenda ngwatanĩo
1 #
Ako 1.10. Na kwondũ wa ũu nyie, mwovwa nthĩnĩ wa Mwĩaĩi, nĩngũmwĩsũva mũendae o ũndũ waĩle wĩtano ũla mweetiwe naw’o, 2#Ako 3.12.na wĩnyivyo w’onthe na ũuu, na wũmĩĩsyo, mũkyũmĩanĩsya inyw’ĩ kwa inyw’ĩ nthĩnĩ wa wendo; 3#Ako 3.14,15.mũkĩthing’ĩĩsya kũsũvĩa wĩw’ano ũmwe wa Veva wovanonĩ wa mũuo. 4#Alo 12.5.Mwĩĩ nĩ ũmwe, na Veva nĩ ũmwe, o ũndũ mweetiwe wĩkwatyonĩ ũmwe wa wĩtano wenyu; 5#Yoa 10.16; 1 Ako 8.6.Mwĩaĩi ũmwe, mũĩkĩĩo ũmwe, ũvatiso ũmwe, 6#1 Ako 12.6.Ngai ũmwe, nake ni Ĩthe wa onthe, ũla wĩ ĩũlũ wa onthe, na kũtũngana kwa onthe, na nthĩni wa onthe. 7#Alo 12.3,6; 1 Ako 12.11.Ĩndĩ kĩla ũmwe waitũ nũnengetwe ũla mumo kwĩanana na kĩthimo kya mũthĩnzio wa Klĩsto. 8#Sav 68.18; Ako 2.15.Kwondũ wa ũu easya,
Yĩla wambatie ĩũlũ, nĩwatavie mũtavo,
Na anenga andũ mĩthĩnzĩo.
9 #
Yoa 3.13. (Na ndeto ĩno, Nĩwambatie, nata ate o kwasya kana nĩwatheeie alike kũndũ kũliku kwa nthĩ? 10Ũla watheeie niwe ũsu wambatie ĩũlũ mũno mbee wa matu onthe, nĩ kana ausũsye syĩndũ syonthe.) 11#1 Ako 12.28; Meko 21.8.Nake anengie andũ amwe methĩwe atũmwa; na angĩ, athani; na angĩ, atavan’ya ma ũla ũvoo mũseo; na angi, aĩthi, na amanyisya; 12#1 Vet 2.5; 2 Tim 3.17.nĩ kana atheu meanĩwe, ũndũ wa wĩa wa kũthũkũma, nĩ kana mwĩĩ wa Klĩsto wakwe: 13#Ako 1.28.mũvaka ithyonthe tũvikĩe wĩw’ano ũmwe wa mũĩkĩĩo, na wa kũmũmanya Mwana wa Ngai, kũvikĩa mũndũ mwĩanĩu, kũvikĩa kĩthimo kya ũtũlu wa wĩanĩu wa Klĩsto; 14#1 Ako 14.20; Aevl 13.9.nĩ kana kuma yu tũikethĩwe syana nini, tũkĩluutangwa kũũ na kũũ na kũkuwa nĩ kĩla kĩseve kya ũmanyĩsyo, na maũĩ ma andũ, na ũsesengano, kũatĩĩa nzĩa ya ũkengani wa kwasya andũ; 15#Aev 1.22; 5.23; Ako 1.18.ĩndĩ tũkĩneena w’o nthĩnĩ wa wendo, twĩane maũndũnĩ onthe tũmũvikie we, nake nĩwe mũtwe, Klĩsto; 16#Ako 2.19.na kuma kwake mwĩĩ w’onthe, ũikomanw’a nesa na kũkwatanw’a, nĩwĩanaa nũndũ wa ũtethyo wa kĩla ũleenyũ, kwĩanana na kĩthimo kya wĩa wa kĩla mutha, ũmwe na ũmwe, ũkiyaka e w’o wendonĩ.
Thayũ wa tene na thayũ mweũ
17 #
Alo 1.21; Ako 2.4,6. Na ĩndĩ nĩneena ũu, na kũkũsĩĩa nthĩnĩ wa Mwĩaĩi, kana kuma yu inyw’ĩ mũikaende ũndũ Andũ‐ma‐mbaĩ‐ingĩ maendaa, na ũtumanu wa ilĩko syoo, 18#Aev 2.12; Ako 1.21; 1 Vet 1.14.nũndũ ũmanyi woo nĩwĩkĩĩtwe kĩvindu, mavathĩtwe kũasa na thayũ wa Ngai, nũndũ wa kũlea kũmanya kũla kwĩ nthĩnĩ woo, nũndũ wa wũmũ wa ngoo syoo; 19#Ako 3.5.nao mavĩtũkĩte kwĩw’a, meenenganie mĩmeonĩ mĩthũku, meke ũvuku w’onthe na wendi. 20Ĩndĩ inyw’ĩ tiw’o mweemanyĩsye Klĩsto; 21ethĩwa nĩw’o nĩmwamwĩwie, na kũmanyĩw’a nthĩnĩ wake, o ũndũ w’o ũilyĩ nthĩnĩ wa Yesũ: 22#Alo 8.13; Ako 3.9; Aka 6.8.ũndũ wa mwĩkalĩle wenyu wa tene, mumyei mwĩkye kũasa mũndũ wa tene, ũla wanangĩkaa kwa ũvikĩlaa mĩmeo ya ũkengani; 23#Alo 12.2.mũtw’ĩkithw’e eũ vevani wa ilĩko syenyu. 24#Mwa 1.26.Na mwĩvw’ĩke mũndũ mweũ, ũla wombiwe na mũvw’ano wa Ngai nthĩnĩ wa ũlũngalu na ũtheu wa w’o.
Mwĩkalo wa kĩla mũthenya
25 #
Nzek 8.16; Ako 3.8. Kwondũ wa ũu, mũkĩveta ũvũngũ, neenai w’o kila mũndũ na ũla ũngĩ: nĩkwĩthiwa twĩ mamutha ene kwa ene. 26#Sav 4.4; Yak 1.19,20.Thatai, na mũikeke naĩ: mũikaeke syũa vĩthũe mwi na ũthilĩku: 27o na mũikamũnenge Satani ũthei. 28#1 Ath 4.11.Ũla woyie ndakoye ingi: ĩndĩ kavaa atethye wĩa, akĩkaa na moko make ũndũ waĩlĩte, ni kana ethĩwe na kĩndũ kya ũmũnenga ũla wi na vata. 29#Aev 5.4; Ako 3.16,17; 4.6.Ndeto nthũku itikaume makanyw’anĩ menyu, ĩndĩ no ila nzeo sya kwaka o ũndũ vata wĩana, nĩ kana imanenge mumo ala mekwiw’a. 30#Aev 1.13; Isa 63.10.Na mũikew’ĩthye Veva Mũtheu wa Ngai woo, nake nthĩnĩ wake mwĩkĩĩtwe ũsiĩlo kũvika mũthenya wa wovosyo. 31#Ako 3.8.Ĩndĩ ũũ, na ũthilĩku, na ũthatu, na ĩteta, na moumano, mavetwe kwenyu, vamwe na kĩla ũthũku: 32#Mt 6.14; 18.22–35; Ako 3.12,13.na mwĩthĩwe mũkyaĩlan’ya ene kwa ene, mũkĩw’anĩa tei, mũkĩekanĩa inyw’ĩ kwa inyw’ĩ, o ũndũ Ngai nake wamũekeie inyw’ĩ nthĩnĩ wa Klĩsto.
Currently Selected:
AEVESO 4: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
