AEVESO 3
3
Ũtũmane wa Vaulo kũvuan’ya ĩla nzama ya Ngai
1 #
Avi 1.7,13; Ako 1.24. Kwondũ wa ũu nyie Vaulo, mwovwa wa Klĩsto Yesũ kwondũ wenyu Andũ‐ma‐mbaĩ‐ingĩ,— 2#Ako 1.25.ethĩwa nĩmwĩw’ĩte ũvoo wa walan’yo wa mumo wa Ngai ũla nanengiwe kwondũ wenyu; 3#Aev 1.9,10; Ako 1.26. kana kwondũ wa kũvuanĩw’a nĩnamanyĩthiw’e ĩla nzama, o tondũ nambie kũandĩka na ndeto mbũthũ, 4na kwondũ wa ũu, yĩla mũũsoma, mũkoona ũmanyi wakwa wa ĩla nzama ya Klĩsto; 5nayo ndyaamanyĩthw’a ana ma andũ ma nzyawa ĩngĩ, o ũndũ atũmwa make atheu na athani mavuanĩw’e yu nthĩnĩ wa Veva; 6#Aev 2.13,18,19.atĩ Andũ‐ma‐mbaĩ‐ingĩ nĩ atiĩwa vamwe naitũ, na mamutha ma ũla mwĩĩ vamwe naitũ, na osi vamwe naitũ ma watho ũla wĩ nthĩnĩ wa Klĩsto Yesũ kwondũ wa ũvoo mũseo, 7#Ako 1.25,29.ũla nyie natwiwe mũthũkũmi waw’o, kwĩanana na mũthĩnzĩo wa mumo wa Ngai ũla nanengiwe kwĩanana wa kwĩka kwa vinya wake. 8#1 Ako 15.9,10; Aev 1.7; Aka 1.16.Nyie ũla nĩ mũnini kwĩ ũla mũnini mbee kati wa atheu onthe, nĩnanengiwe mumo ũũ, kũtavan’ya kwa Andũ‐ma‐mbaĩ‐ingĩ ũthwii wa Klĩsto ũla ũtatalĩka; 9#Alo 16.25; Ako 1.26,27.na kũtuma andũ onthe mamanya ũndũ ũilyĩ ũla walan’yo wa nzama ĩla kuma tene tene yavithiwe nthĩnĩ wa Ngai ũla wombie syĩndũ syonthe; 10#1 Vet 1.12; Alo 11.33; Ako 1.26.nĩ kana yu kwa nzĩa ya ĩkanisa, ũĩ wa Ngai wa mĩthemba mingĩ ũmanyĩke kwa monene na mokũmũ ma ĩtunĩ, 11#Aev 1.11.kwĩanana na ũtw’ĩo wa tene na tene ũla watwie nthĩnĩ wa Klĩsto Yesũ Mwĩaĩi waitũ: 12#Yoa 14.6; Aev 4.16; Alo 5.2.na nthĩnĩ wake twĩ na ũkũmbaũ na ũthei wa kũthengeea na wĩkwatyo, kwondũ wa mũĩkĩĩo witũ nthĩnĩ wake. 13#Ako 1.24.Kwondũ wa ũu nĩngũmwĩsũva mũikaleele nũndũ wa mathĩna makwa kwondũ wenyu, namo nĩ ũtaĩo wenyu.
Mboya ũndũ wa vinya wa kũkwata Ũvoo Mũseo
14Kwondũ wa ũu nĩtulya ndu mbee wa Asa, 15o ũla mĩvĩa yonthe ya ĩtunĩ na ya nthĩ nĩyĩtanĩawa nake. 16#Aev 1.7; 6.10; Ako 1.11.Nĩ kana amũnenge inyw’ĩ, kwĩanana na wingi wa ndaĩa yake, kana mwongeleelwe vinya mũndũ wa nthĩnĩ kwondũ wa Veva wake; 17#Yoa 14.23; Ako 1.23; 2.7.nĩ kana Klĩsto ekalae ngoonĩ syenyu kwondũ wa mũĩkĩĩo; nĩ kana inyw’ĩ mũtambũũkĩtye mĩi na kũlũlũmĩlw’a nthĩnĩ wa wendo. 18#Ako 2.2.Mwĩthĩwe na vinya wa ũkwata vamwe na atheu onthe ũndũ ũilyĩ ũthanthau na ũasa na ũtũlu na ũliku, 19#Ako 2.3.na kũmanya wendo wa Klĩsto ũla ũvĩtũkĩte ũmanyi, nĩ kana mũtonye kusũwa kũvikĩa wusũu w’onthe wa Ngai.
20 #
Ako 1.29. Na yu we ũla ũtonya kwĩka mũno mbee kũvĩta onthe ala tũvoyaa kana kũlilikana, kwĩanana na vinya ũla wĩkaa nthĩnĩ waitũ, 21ndaĩa nĩyĩthĩwe yake ĩkanisanĩ na nthĩnĩ wa Klĩsto Yesũ nzyawanĩ syonthe tene na tene. Ameni.
Currently Selected:
AEVESO 3: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
