Popular Bible Verses from AEVESO 4

Share

na mwĩthĩwe mũkyaĩlan’ya ene kwa ene, mũkĩw’anĩa tei, mũkĩekanĩa inyw’ĩ kwa inyw’ĩ, o ũndũ Ngai nake wamũekeie inyw’ĩ nthĩnĩ wa Klĩsto.

na wĩnyivyo w’onthe na ũuu, na wũmĩĩsyo, mũkyũmĩanĩsya inyw’ĩ kwa inyw’ĩ nthĩnĩ wa wendo

Ndeto nthũku itikaume makanyw’anĩ menyu, ĩndĩ no ila nzeo sya kwaka o ũndũ vata wĩana, nĩ kana imanenge mumo ala mekwiw’a.

Ĩndĩ ũũ, na ũthilĩku, na ũthatu, na ĩteta, na moumano, mavetwe kwenyu, vamwe na kĩla ũthũku

Thatai, na mũikeke naĩ: mũikaeke syũa vĩthũe mwi na ũthilĩku: o na mũikamũnenge Satani ũthei.

ũndũ wa mwĩkalĩle wenyu wa tene, mumyei mwĩkye kũasa mũndũ wa tene, ũla wanangĩkaa kwa ũvikĩlaa mĩmeo ya ũkengani; mũtw’ĩkithw’e eũ vevani wa ilĩko syenyu. Na mwĩvw’ĩke mũndũ mweũ, ũla wombiwe na mũvw’ano wa Ngai nthĩnĩ wa ũlũngalu na ũtheu wa w’o.

mũkĩthing’ĩĩsya kũsũvĩa wĩw’ano ũmwe wa Veva wovanonĩ wa mũuo.

Nake anengie andũ amwe methĩwe atũmwa; na angĩ, athani; na angĩ, atavan’ya ma ũla ũvoo mũseo; na angi, aĩthi, na amanyisya; nĩ kana atheu meanĩwe, ũndũ wa wĩa wa kũthũkũma, nĩ kana mwĩĩ wa Klĩsto wakwe: mũvaka ithyonthe tũvikĩe wĩw’ano ũmwe wa mũĩkĩĩo, na wa kũmũmanya Mwana wa Ngai, kũvikĩa mũndũ mwĩanĩu, kũvikĩa kĩthimo kya ũtũlu wa wĩanĩu wa Klĩsto

nĩ kana kuma yu tũikethĩwe syana nini, tũkĩluutangwa kũũ na kũũ na kũkuwa nĩ kĩla kĩseve kya ũmanyĩsyo, na maũĩ ma andũ, na ũsesengano, kũatĩĩa nzĩa ya ũkengani wa kwasya andũ; ĩndĩ tũkĩneena w’o nthĩnĩ wa wendo, twĩane maũndũnĩ onthe tũmũvikie we, nake nĩwe mũtwe, Klĩsto