2 TIMOTHEO 4
4
1 #
Meko 10.42; 1 Vet 4.5; Alo 14.9,10. Nĩkwĩaĩa mbee wa Ngai, na mbee wa Klĩsto Yesũ, ũla ũkasilĩla ala me thayũ na ala akw’ũ, o na ĩngĩ ũndũ wa kumĩla kwake na ũsumbĩ wake: 2#Meko 20.20,31.tavan’ya ĩla ndeto; ĩthĩwa wĩ mũthangaau ĩvinda yaĩle, na yĩla yĩtaĩle; onan’ya mavĩtyo, kan’ya, taa, na wũmĩĩsyo w’onthe na kũmanyĩsya. 3#2 Tim 1.13; 1 Tim 4.1.Nũndũ ĩvinda yĩkooka yĩla mataketĩkĩla kũtavw’a momanyisyo ma w’o; ĩndĩ, nĩkwĩthĩwa me na matũ meũmanyeea, makeeyũmbanĩsya amanyĩsya o kwĩanana na mĩmeo yoo; 4#1 Tim 4.7; 2 Ath 2.11.nao makathyũũa matũ moo maikew’e ũla w’o, na kwathũka kwĩthukĩĩsya mbano. 5#2 Tim 2.3; Aev 4.11.Ĩndĩ ĩthĩwa wĩ na kĩlĩko maũndũnĩ onthe, ũmĩĩsya maũndũ maito, tethya wĩa wa mũtavan’ya wa ũvoo mũseo ĩanĩsya ũthũkũmi waku. 6#Avi 2.17.Nũndũ o na yu nĩngũtulũlwa ta nthembo, na ĩvinda yakwa ya kũthi nĩ ĩviku. 7#1 Ako 9.25; 1 Tim 6.12; Avi 3.14.Nĩnũkitĩte kaũ ũla mũseo, nĩnĩminĩte mũendo, nĩnĩsũvĩĩte ũla mũĩkĩĩo: 8#2 Tim 2.5; Yak 1.12; 1 Vet 5.4; Ũvu 2.10.kuma yu nĩniĩwe ngovia ya ũsumbĩ ya ũlũngalu, nayo Mwĩaĩi, mũsili ũla mũlũngalu, akanenga mũthenya ũsu; na ti nyie nyioka, ĩndĩ andũ onthe nao ala mendaa kumĩlw’a kwake.
Maũtũmane ma Vaulo mwene na ngethi ya mũtaanĩsyo
9 #
2 Tim 1.4. Thangaaa kũka kwakwa na mĩtũkĩ: 10#Ako 4.14.nũndũ Ndema nĩwandiie, endie nthĩ ĩno ya ĩvinda yĩĩ, na anaendie Thesalonika; na Keliseke anaendie Kalatia, na Tito anaendie Ndalamatia. 11#Meko 15.37; Ako 4.10.No Luka e weka nĩ nake. Mwose Maliko wũke nake kũũ; nũndũ nĩ na vata nake wianĩ wa ũthũkũmi. 12#Meko 20.4; Aev 6.21; Ako 4.7.Ĩndĩ Tikiko nĩnamũtũmie Eveso. 13Ngũa ya ĩũlũ ĩla natiie na Kalivo nthĩ ya Teloa, wĩete ũyũka, vamwe na ala mavuku, na mũno mbee ũka na ala ma mbũa. 14#1 Tim 1.20; 2 Sam 3.39; Sav 28.4; 62.12; Nth 24.12.Alesanda ũla mũtwii wa ũthuku nĩwambĩkie ũthũku mwingĩ: Mwĩaĩi akamũĩva kwĩanana na mawĩa make: 15naku mwĩsũvĩe mũno; nũndũ nĩwasiĩĩe mũno ndeto sitũ. 16#2 Tim 1.15.Ũsũngĩo wakwa wa mbee vai mũndũ waũngamie vamwe nakwa, ĩndĩ onthe nĩmandiie; maikaatalĩlwe ũndũ ũsu. 17#Sav 22.21; Nda 6.21–28; Meko 23.11; 27.23.Ĩndĩ Mwĩaĩi nĩwaũngamie vamwe nakwa, na anenga vinya; nĩ kana kwondũ wakwa ũla ũtũmane ũtonye kũtavanw’a vyũ, na nĩ kana Andũ‐ma‐mbaĩ‐ingi onthe mew’e: nakwa natangĩĩwe kumw’a kanyw’anĩ wa ũla mũnyambũ. 18Mwĩaĩi akandangĩĩa kĩla ũndũ ũthũku, na akanzũvĩa kũvika ũsumbĩ wake wa ĩtunĩ: ndaĩa nĩyĩthĩwe yake kũvika tene na tene. Ameni.
19 #
Meko 18.2; 2 Tim 1.16. Ngethesya Vilisika na Akwila, na nyũmba ya Onesivolo. 20#Meko 19.22; 20.4; 21.29.Elasito ekalile Kolintho: ĩndĩ Telovimo namũtiie Mileto e mũwau. 21Thangaa kũka ĩvinda ya mbevo yĩtanavika. Euvulo nĩwaũkethya, na Vuteni, na Leno, na Kilautia, na ana‐a‐asa onthe.
22Mwĩaĩi nĩethĩwe vamwe na veva waku. Mumo nĩwĩthĩwe nenyu.
Currently Selected:
2 TIMOTHEO 4: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
