Popular Bible Verses from 2 TIMOTHEO 4

Share

Nĩnũkitĩte kaũ ũla mũseo, nĩnĩminĩte mũendo, nĩnĩsũvĩĩte ũla mũĩkĩĩo

tavan’ya ĩla ndeto; ĩthĩwa wĩ mũthangaau ĩvinda yaĩle, na yĩla yĩtaĩle; onan’ya mavĩtyo, kan’ya, taa, na wũmĩĩsyo w’onthe na kũmanyĩsya.

Nũndũ ĩvinda yĩkooka yĩla mataketĩkĩla kũtavw’a momanyisyo ma w’o; ĩndĩ, nĩkwĩthĩwa me na matũ meũmanyeea, makeeyũmbanĩsya amanyĩsya o kwĩanana na mĩmeo yoo; nao makathyũũa matũ moo maikew’e ũla w’o, na kwathũka kwĩthukĩĩsya mbano.

Ĩndĩ ĩthĩwa wĩ na kĩlĩko maũndũnĩ onthe, ũmĩĩsya maũndũ maito, tethya wĩa wa mũtavan’ya wa ũvoo mũseo ĩanĩsya ũthũkũmi waku.

kuma yu nĩniĩwe ngovia ya ũsumbĩ ya ũlũngalu, nayo Mwĩaĩi, mũsili ũla mũlũngalu, akanenga mũthenya ũsu; na ti nyie nyioka, ĩndĩ andũ onthe nao ala mendaa kumĩlw’a kwake.