2 TIMOTHEO 3
3
Mothũku ala mokĩte
1 #
1 Tim 4.1. Ĩndĩ manya ũũ, kana mĩthenyanĩ ya mũminũkĩlyo kũkeethĩwa mavinda ma mũisyo. 2#Alo 1.29.Nũndũ andũ makeethĩwa makĩyenda ene, makyenda mbesa, makĩkathĩĩa, na kwĩtaĩa, na kũumana, matew’aa asyai, mate mũvea, mate atheu, 3mate na wendo waĩle, mate na wĩw’ano, ailĩanĩli, mate na wĩting’o, ai, matendete ũseo, 4#Avi 3.19.akaĩi, me na ngũlũ, me na mĩyimbyo, endi ma motanu ma nthĩ mbee wa kũmwenda Ngai; 5#Mt 7.15,21; Alo 2.20; Tito 1.16.me na mũvw’ano wa kĩkĩo kwa Ngai, ĩndĩ nĩmakaĩĩte vinya wakyo: ĩvathane na asu nao. 6#Mt 23.14; Tito 1.11.Nũndũ andũnĩ asu ve ala melikasya nyũmbanĩ sya andũ na kũtava aka atumanu ala makuaa mũio ya naĩ, matongoew’e nĩ mĩmeo ya mĩthemba mingĩ, 7#2 Tim 2.25.memanyĩasya mĩthenya yonthe, na maitonya o na ĩndĩĩ kũvikĩa ũmanyi wa ũla w’o. 8#Kuma 7.11,22; 1 Tim 6.5; 1.12.Na o tondũ Yane na Yambale mamũsiĩĩe Mose, no ta ũu aa nao nĩmasiĩĩaa ũla w’o; andũ mavukĩtwe ilĩkoni syoo, matetĩkĩlĩka mũĩkĩĩoni. 9Ĩndĩ maikaendeea na mbee: nũndũ ũtumanu woo ũkeethĩwa wenekee kwa andũ onthe, o tondũ wa asu woonekie.
Ngao ya Timotheo ekale na ũlũmu mũĩkĩĩoni
10Ĩndĩ we nĩwavikĩlile ũmanyĩsyo wakwa, na mũendele, na kwenda kwakwa, na mũĩkĩĩo, na wũmĩĩsyo, na wendo, na wĩlũlũmĩlyo, 11#Meko 13.50; 14.5,19; Sav 34.19.na monyamao, na mathĩna; na maũndũ ala mangwatĩe Andiokia, na Ikonio, na Lisitela; monyamao ala neeyũmĩĩsye: na Mwĩaĩi andangĩĩa na kũnumya maũndũnĩ asu onthe. 12#Mt 16.24; Meko 14.22.Ĩĩ, na onthe ala mendaa kwĩkalya thayũ woo kũmũkĩa Ngai nthĩnĩ wa Klĩsto Yesũ makathĩnw’a. 13#1 Tim 4.1.Ĩndĩ andũ athe na akengani makaendeea na kwongeleka kũthũka, makĩkengana na kũkengwa. 14#2 Tim 2.2.Ĩndĩ we, ĩkala maũndũnĩ ala wamanyĩiw’e na ala wamanyie vyũ, nĩkwĩthĩwa nĩwĩsĩ andũ ala weemanyĩisye kwamo; 15#Yoa 5.39; Sav 119.99.na ĩngĩ kuma wĩ kana kanini nĩweesĩ maandĩko matheu, ala matonya ũkũĩvya kũvika ũtangĩĩo ũla wĩ kwondũ wa mũĩkĩĩo wĩ nthĩnĩ wa Klĩsto Yesũ. 16#2 Vet 1.19–21; Alo 15.4.Kĩla Ũandĩko nĩwaveveewe nĩ Ngai, naw’o nĩwaĩle wa kũmanyĩsya, na kũĩkĩĩthya andũ mavĩtyo, na kũmatũngĩĩa, na kũsilĩla kwa ũlũngalu: 17#1 Tim 6.11.nĩ kana mũndũ wa Ngai atonye kwĩthĩwa e mwĩanĩu, eanĩe kũtethya kĩla wĩa mũseo.
Currently Selected:
2 TIMOTHEO 3: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
