ZABURI 77
77
Okoremigwa ase chingaki chi’obokong’u
(Ogotera gw’Asafu)
1Nkorera nde ase Nyasae neriogi rinene,
nigo nkorera mono asare ng’a anyigwe.
2Ase chingaki chi’emechando nigo nkorigia Omonene;
ase obotuko nigo nkorambora okoboko kwane ase ogosaba ntari korosa,
omoyo one nigo okwanga koremigwa.
3Ekero nkoinyora Nyasae, nigo nkorera,
na ekero nkomorengereria, nigo ngokwa omoyo.
4Aye Omonene, nigo ogotanga amaiso aane takonyora chitoro.
Nigo nchandegete mono, tinkonyara gokwana.
5Nigo nkoba nkorengereria igoro y’amatuko a kare,
nkoinyora emiaka ya kare buna yarenge.
6Ase obotuko obogima nigo nkoinyora amatera aane:
nigo nkoba nkorengereria ase enkoro yane ime, neriga‐rigia na kweboria:
7“Inee! Omonene natotigire kegima?
Tagotororera amabera rinde?
8Inee! Obwanchani bwaye bwa botambe mbwaerire kegima?
Chiira chiaye nchiaikire omoerio?
9Nyasae nigo ebire koba omonyamabera?
Inee! Nigo abeire nendamwamu, goika osiekire amabeebe?”
10Erio ngateba, “Obo nobororo bwane,
eye nengaki okoboko gw’okorio kw’Oyore Igoro Mono gwantomeire.”
11Ning’inyore ogokora kwao aye Omonene;
ee, ning’inyore amakumia ao a kare.
12Nimbe nkorengereria igoro y’emeremo yao yonsi,
na imbe nkona‐koiranerera ogokora kwao gwe chinguru.
13Aye Nyasae, chinchera chiao nigo chire chinchenu.
Nenyasae ereri ere enene buna Nyasae oito?
14Aye nigo ore Nyasae ogokora amakumia;
kwaorokirie okobua kwao ase egati ya mwanyabanto.
15Aye nigo gwatooretie abanto bao nokoboko kwao koramboire.
Abanto abwo nigo barenge ab’ororeria rwa Yakobo na orwa Yusufu.
16Aye Nyasae, ekero amache akoroche,
ee, ekero akoroche, nigo akwoboete,
ne chindiba chikanyegerigwa.
17Amare agaitera amache;
ne chinkoba chigaaka korwa igoro,
chinsara chiao chikamesa ase chinsemo chionsi.
18Okogukura gw’enkoba nigo kwarenge ime ase ekerambauti,
na ense egatengecha.
19Nigo gwakorete enchera yao ase enyancha,
oboeto bwao bokaba ime ase amache amange mono,
korende nonya naboigo amabarato ao tarorekanete aroro.
20Aye nigo kwaraaete abanto bao buna riicho rikoraagwa,
ee, okabaraa goetera ase amaboko a Musa na Haroni.
Currently Selected:
ZABURI 77: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
