ZABURI 76
76
Nyasae ore omobui
(Ogotera gw’Asafu)
1Nyasae nigo amanyekanete ase Abayuda,
erieta riaye rire rinene mono ase Abaisraeli.
2Obomenyo bwaye Obochenu nigo bore agwo Salemu,
ere nigo amenyete agwo Sayoni.
3Aroro agwo nabunete chinsara chi’amata chikomesa,
boigo naende akabutorana chinguba, na emioro na ebirwanero binde bi’esegi.
4Aye nigo okomeka‐meka oichire
nobonene kogocha korwa ase ebitunwa bi’ababisa kwabuire.
5Abare ne chinkoro chimwenu baurirwe ebinto konya basakoire,
bono bararire chitoro chindito.
Abarwani esegi bonsi basinyirwe korwana namaboko abo.
6Aye Nyasae o Yakobo, ekero gwatogonyerete abanto bariinete chibarasi,
barabwo nigo bagwete inse, bakaba buna nigo bakwete, amo ne chibarasi chiabo.
7Aye bweka nigo ore oyo bw’okoondokia mono.
Ning’o oranyare gotenena ase obosio bwao,
ekero kwabeire nendamwamu?
8Korwa agwo igoro, nigo kwamanyetie ense ebina biao;
na ense ekoboa egakira‐kiri,
9ekero aye Nyasae gwatenenete konacha ekina
na kobatooria abwo bonsi bagokorerwa bobe.
10Ekeene, endamwamu ya mwanyabanto nenyare kogera aye otogigwe;
eyeratigare noyieboyie buna orokini.
11Inwe karie chiira ase Omonene, Nyasae oino, na mochiikeranie.
Abanto bonsi bamoetanaine, tiga bamorentere ebiegwa,
ere oria ogwenerete koirokwa.
12Ere nigo agokeyia abare abaenenu ase ense,
abaruoti bonsi b’ense nigo bamwoboete.
Currently Selected:
ZABURI 76: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
