ZABURI 65
65
Ogotogia na okoiraneria ng’a mbuya mono
(Ogotera gwa Daudi)
1Aye Nyasae o Sayoni, ogotogigwa nokwao;
goika togoikeranerie chiira chiaito.
2Aye nigo okoigwa ogosaba,
ase ayio abanto bonsi mbache asore.
3Nonya ebibe biambuire
aye nigo okwabera ogosaria okwo.
4Nasesenirie omonto oyio gwachorire na komoikia ang’e,
amenye naye ase chigoora chiao.
Intwe ntoisaneke nobuya bw’enyomba yao,
Hekalu yao Enchenu.
5Aye Nyasae ore ogotooreka gwaito,
ase ogokora kw’ogokumia ogotoigwa ase oboronge bwao;
naye ore ogosemeria kw’abanto bamenyete ase ense,
nonya ngoika chinsinyo chi’ense,
na ase chinyancha chi’aare.
6Aye gwakong’irie ebitunwa ne chinguru chiao,
ekiagera aye nigo bweboetie okobua.
7Aye nigo ogotoereria enyancha ekoruma, na emerindo yaye,
naboigo namaroroche a mwanyabanto.
8Abamenyete ase chinsinyo chi’ense
nigo bagokumia ebimanyererio biao.
Abare ase erioba rigosoka korwa
goikera ase rikogwa gochia,
nigo okogera batera nomogoko.
9Aye nigo ogwechandera ense, kwayerentera embura,
nigo okoyea obotenenku obonge mono;
chindooche chiao aye Nyasae nigo chiichire namache.
Ase okoroisia riroba igo
nigo okoa abanto endagera.
10Aye nigo okorenta embura ase chinchwara chi’emegondo y’ense;
nigo okwarania aase aimokererete igoro,
erio gwatoma embura yororobia riroba
na gosesenia ebigokina ase emegondo.
11Kwabekeire omwaka egutwa y’obuya bwao,
amabarato ao nigo agotonya obonoru.
12Amarisia e chirooro nigo agotonya boigo,
na ebigoro nigo bieboetie omogoko.
13Ebirubo nigo biichire namaicho e ching’ondi,
na amakura nigo atubire ne chindagera.
Kera egento nigo kegochenga nomogoko.
Currently Selected:
ZABURI 65: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
