ZABURI 66
66
Ogotera gw’okoiraneria ng’a mbuya mono
(Ogotera gwa Daudi, ase omoteria)
1Inwe abanto b’ense yonsi,
aka eriogi ri’omogoko ase Nyasae;
2terera obonene bw’erieta riaye,
moe obonene ase okomotogia!
3Motebie Nyasae: Naki ogokora kwao kore ogw’okwoboyia!
Obobui bwao nigo bore obonene mono,
goika ababisa bao bekeyie asore.
4Ense engima nigo ekogosasima na kogotogia,
abanto bonsi nigo bagotera na gotogia erieta riao.
5Inchuo morore aya Nyasae akorire.
Aya akorire ase egati ya mwanyabanto nigo are ay’okwoboyia.
6Ere akaonchora enyancha ekaba ense enyomo,
erio abanto bakambokera aroro namagoro.
Aroro agwo tokagoka mono asare.
7Omonene nere okogamba ase okobua kwaye kare na kare;
amaiso aye nigo arigereretie ebisaku bionsi,
ase igo abasaria tibabaisa kweimokereria igoro.
8Inwe abanto b’ebisaku bionsi, motogie Nyasae oito,
tiga eriogi ri’okomotogia riigweke.
9Omonene nere otorendete tore moyo,
tatotigeti totererigwe amagoro.
10Aye Nyasae gwatoteemire,
ee, gwatoteemire buna efeta egoteemwa ase omorero.
11Nigo gwatotigete tokagwa ase egesibo
aye nigo gwatotwegete egurube endito.
12Aye nigo kwarentete ababisa baito bagatotacha emetwe.
Intwe nigo twaetete ime y’omorero na amache,
korende nonya nabo, ogatorusiao, ogatobeka ase obuya obonge bore.
13Ninchiche ase enyomba yao, indetane ekeng’wanso ki’ogosambwa.
Ning’ikeranie chiira nakorierete ase ogotiana,
14chiira chiria nakwanete nomonwa one,
echio nariete ekero narenge ase emechando.
15Ninkorentere ching’iti chire chinoru chibe ebing’wanso bi’ogosambwa,
ninchirue amo nekeng’wanso gie chimingichi kere ne rimisu rigiya.
Nindue ne chieri ne chimbori chibe ebing’wanso.
16Inwe mwensi aba moirogete Nyasae, inchuo moigwe,
nainche nimbatebie aya Omonene ankoreire.
17Inche nigo narerete neriogi rinene asare,
na ogotogigwa kwaye nigo kwarenge ase oromeme rwane.
18Onye nabete ndengereretie amabe ase enkoro yane,
Omonene anga tantegererete.
19Korende ekeene, Nyasae ontegereire;
ee, oigure eriogi ri’ogosaba kwane.
20Nyasae atogigwe,
ekiagera tangeti koigwa ogosaba kwane,
gose tarusetie korwa asende obwanchani bwaye bogendererete botambe.
Currently Selected:
ZABURI 66: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
