ZABURI 64
64
Ogosaba gw’okonyora okorendwa
(Ogotera gwa Daudi)
1Aye Nyasae, igwa eriogi riane ekero nkorera;
renda obogima bwane korwa ase omobisa oyo okongosa.
2Imbise korwa ase emeroberio ya bobisi y’abakori amabe,
korwa ase eburu‐buru y’abakori ebibe.
3Abwo nigo bagotieria chimeme chiabo buna emioro,
amang’ana bagokwana nigo are nobororo, anga buna chinsara.
4Korwa ase baboete nigo bakorasa omonto otari na komocha,
bamorasa chinsara mobosokano batari nobwoba.
5Barabwo nigo bakobekana chinguru ase ogokora ebibe ebio barobeirie;
nigo bagokwana amo igoro y’ogotegera abande oboreba bobisi,
bagotebania, “Ning’o otoroche?”
6Nigo bagokora emeroberio emebe, bagoteba,
“Bono twakorire omoroberio oito omoikeranu.”
Ekeene, ebirengererio bia ime bi’omonto, na enkoro yaye, nigo bisinyete.
7Korende Nyasae nabarase ensara yaye,
na barabwo baraswe mobosokano.
8Nasirie abanto abwo ase engencho y’amang’ana amabe bagokwana;
bonsi abarabe bakobarora mbasingisie emetwe yabo ase ogoichana.
9Erio abanto bonsi mbairoke,
babe bakoraria emeremo ya Nyasae
na komanya mono ayakorire.
10Abanyene oboronge mbabe nomogoko ase Omonene na komotamera.
Abwo bare ne chinkoro chindonge mbabe bagwetogia.
Currently Selected:
ZABURI 64: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
