ZABURI 6
6
Ogosaba ase okonyora ogokonywa ase engaki y’emechando
(Ogotera gwa Daudi)
1Omonene, tontogonyera ekero ore nendamwamu;
tong’a egesusuro gi’okondongeyia ekero ore nekeririanda.
2Omonene, ndorera amabera, ekiagera inde omonyanyuru.
Aye Omonene, ingwenie, ekiagera amauga aane nigo akonyegerigwa.
3Omoyo one ochandekire nomoondoko.
Omonene, ngoika ririri oraganye otarankonya?
4Aye Omonene, ing’iranere omboorie!
Ontoorie ase engencho y’obwanchani bwao botari koera.
5Ase abwo bakure onde tari oranyare gokoinyora.
Inee! Ning’o oranyare kogotogia korwa aase abakure?
6Nanyarekire ase okwerera kwane kw’obororo,
kera obotuko nigo ngoteremia oborere bwane namariga,
ebirarero biane biaichoirwe namariga.
7Obosio bwane bwomire pa ase engencho y’emechando,
bwareeire ase engencho y’ababisa baane bonsi.
8Inwe mwensi abakori amabe, karue
asende, ekiagera Omonene oigure okorera kwane.
9Omonene oigure okoboria kwane gw’okonyora amabera,
ere bwancheire ogosaba kwane.
10Ababisa baane bonsi mbarore obosooku,
bagoswe na koondokigwa mono,
mbairane gochia nyuma bwango bare nobosooku.
Currently Selected:
ZABURI 6: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
