ZABURI 5
5
Ogosaba ase okonyora okorendwa okuya
(Ogotera gwa Daudi)
1Aye Omonene, tegerera oigwe amang’ana aane;
orengererie mono amang’ana ayio ankong’erete.
2Aye omoruoti one, Nyasae one,
tegerera oigwe amang’ana ’okorera kwane,
ekiagera naye ngosaba.
3Omonene, aye nigo okoigwa ogosaba kwane ase engaki ya mambia;
kobogokiamoka nigo nkobeka okogania kwane ase obosio bwao,
erio naganya ndendete.
4Aye tori Nyasae bwanchete ogokora okobe.
Oyogokora ebibe takonyara komenya amo naye.
5Abanto abaenenu tibakonyara gotenena ase obosio bwao,
nigo ogechete abakori amabe bonsi.
6Aye nigo orasirie abanyaborimo bonsi;
aye Omonene nigo ogechete abaiteri amanyinga na abang’ainereria.
7Korende ase engencho y’obonge bw’obwanchani bwao botari koera
ninsoe ase enyomba yao;
nigo ndasasime ndigereretie Hekalu yao Enchenu
imbe ngokoiroka.
8Aye Omonene, nigo mbwate ababisa abange,
ase ayio, ondaae ase oboronge bwao; roisia enchera yao ase ngoetera ebe endonge.
9Amang’ana ababisa baane bagokwana nay’oborimo,
chinkoro chiabo nigo chire nemeroberio y’ogosiria kegima;
emioyo yabo noboina bwasie,
chimeme chiabo nigo chigokwana amang’ana amansu ay’ogosiria.
10Aye Nyasae, obae egesusuro ase ebibe biabo:
emeroberio eyio bakorire tiga egere bagwe.
Obaserie, ekiagera basaririe asore,
na ekiagera bangire gokoigwera.
11Abanto bonsi abakogotamera mbabe nomogoko,
barabwo mbatere kogenderera botambe na gochenga.
Aye igo orakengere abwo banchete erieta riao,
erio banyare koba nomogoko omonene ase engencho yao.
12Aye Omonene nigo ogosesenia omonyene oboronge
na komotuba nobuya bwao bw’amabera bonga buna enguba.
Currently Selected:
ZABURI 5: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
