ZABURI 58
58
Ogosaba ng’a Nyasae ae abanyabibe egesusuro
(Ogotera gwa Daudi)
1Inwe abamokogamba, Inee, ngokwana more amang’ana ’ekeene?
Inee! Nkonachera more abanto ebina bire boronge?
2Yaya, nigo more nemeroberio emekorekanu ime ase chinkoro chiaino,
amaboko aino nigo agokora obotindi bw’oborianania ase ense.
3Abakori amabe nigo basirete korwa chinda chi’abang’ina,
abanyaborimo nigo bakoba abatantanu korwa engaki y’okoiborwa kwabo.
4Barabwo nigo babwate obosongo bonga buna obw’eng’iti,
nigo banga buna rirubi rigoticha amato aye,
5erinde tiriigwa amariogi abanyamosira,
gose ay’abaebia b’obong’aini.
6Aye Nyasae, obune amaino ’emenwa yabo;
aye Omonene, gokora amagegu e chindo chinsae!
7Abanto abwo tiga basirigwe kegima buna amache omogoko agoeta asira;
ekero bakoruta emegwe yabo, eburoke.
8Barabwo tiga babe buna amakorominyo akonyititoka amarenda aera,
na buna oborito bw’omokungu bokogwa botaraika engaki yaye.
9Omonene nabasirie bwango,
ee, bwango kobua chinyongo chiaino chitarabwata riberera ri’omorero bw’amagwa,
karabe amabese gose amasusanu.
10Omonyene oboronge nagoke ekero egesiomba kegoakanwa,
natiringe amanyinga ’abanto abanyabibe.
11Erio abanto batebe,
“Ekeene, abanyaboronge nigo bakonyora eng’eria yabo;
ekeene, Nyasae nareo okonacha ebina ase ense.”
Currently Selected:
ZABURI 58: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
