ZABURI 57
57
Ogosaba gw’okonyora ogokonywa
(Ogotera gwa Daudi ekero atamete Saulo na akabisa ase rikuruma)
1Aye Nyasae, indorera amabera, indorera amabera,
ekiagera naye natameire nomoyo one.
Nintame nyebise inse ase ekiriri gie chimbaba chiao,
goika omwaga bw’ogosiria oete.
2Inche nigo nkorera ase Nyasae Ore Igoro Mono,
ase Nyasae oria okong’ikeraneria onsi.
3Omonene nantomere ogotooreka korwa igoro,
nababue abwo bagonkorera bobe babe nobosooku.
Nyasae naorokie amabera aye na ekeene kiaye.
4Omoyo one nigo oetananire ne chindo,
nigo ndaire ase egati ya mwanyabanto bagoutoka omorero,
amaino abo nigo are amoge buna amatimo ne chinsara,
chimeme chiabo nigo chire emioro emioge.
5Aye Nyasae, oorokie ng’a nigo ore omonene goetania igoro chionsi,
tiga obonene bwao bororekane ase ense yonsi.
6Ababisa bantegeire oboreba ase ngoeta,
bamionogoreire inse.
Bakunyire eirima ase enchera yane,
korende mbarabwo abanyene bagure imeo.
7Aye Nyasae, enkoro yane nigo ere noboremu,
ee, nigo ere noboremu;
nintere na gochenga.
8Aye omoyo one, boka!
Inwe amakano aane onsi, boka!
Nainche nimboke mambia chuni.
9Aye Omonene, ase egati y’abanto ninkoiranerie ng’a mbuya mono,
nimbe ngotera amatera ay’okogotogia ase egati y’ebisaku.
10Amabera ao nigo are amanene aigete aaria igoro;
obwegenwa bwao nigo boigete igoro ase amare.
11Aye Nyasae, oorokia ng’a nigo ore omonene goetania igoro chionsi,
tiga obonene bwao bororekane ase ense yonsi.
Currently Selected:
ZABURI 57: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
