ZABURI 52
52
Ekina kia Nyasae, na obuya bwaye bw’amabera
(Ogotera gwa Daudi ekero Doegi Omoedomu achierete Saulo komotebia ng’a Daudi ochire mw’Abimeleki)
1Aye omonto ore nokobua, nase ki ogwetogeria amabe aya ogokora?
Obwanchani bwa Nyasae nigo bogendererete kare na kare.
2Aye omong’ainereria,
oromeme rwao nigo rokoroberia amang’ana ’ogosaria;
nigo ronga buna omoyio otukia omwoge.
3Aye nigo bwanchete amabe kobua amaya,
nigo bwanchete gokwana oborimo kobua ekeene.
4Aye ore noromeme rw’obong’ainereria,
nigo bwanchete gokwana amang’ana agosaria.
5Nyasae nakoiyerie inse kare na kare,
nakobwate na kogotaboria korwa nyomba mwao,
nagosimore korwa ase ense y’abare moyo.
6Abanyene oboronge mbarore ayio boboe,
bamosekerere batebe,
7“Rora, omonto oyo bwangete gokora Nyasae abe obotamero bwaye,
nigo egenete obonge bw’obonda bwaye omonyene,
na akeenenia ase chinguru chiaye chi’ogosaria.”
8Korende inche nigo inga buna omozeituni osebogete ase enyomba ya Nyasae ime.
Nigo nsemeretie obwanchani bwa Nyasae botari koera goika kare na kare.
9Aye Nyasae, ngokoiraneria ng’a mbuya mono kare na kare,
ekiagera gwakorire ayio.
Ase amasio ’abanto bao bare abegenwa
nindarie erieta riao, ekiagera nerigiya.
Currently Selected:
ZABURI 52: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
