ZABURI 53
53
Obobe bwa mwanyabanto
(Zab 14)
(Ogotera gwa Daudi)
1Abanto abariri nigo bagwetebia ase chinkoro chiabo ime, “Nyasae tari.”
Barabwo nabasareku, nigo bagokora amang’ana amabe ay’okogechia;
onde tari ogokora ayare amaya, nonya noyomo.
2Nyasae nigo arigereretie mwanyabanto korwa igoro
arore gose monto onde nareo ore omong’aini,
oyokomorigia Nyasae.
3Abanto bonsi bairanire nyuma, bonsi amo basarekire;
onde tari ogokora amaya, nonya noyomo.
4Inee! Abanto abwo bagokora amabe, tibamanyeti gento?
Nigo bakoria abanto baane ase okobaurereria buna bakoria endagera yabo;
tibari kondangeria inche Nyasae mbakonye.
5Abwo nigo bagosogwa nomoondoko omonene mono,
omoondoko buna oyio tona‐komanyekana nonya ndinde,
Nyasae nasiarere amauga ’emebere y’ababisa abwo bakonaaretie.
Nyasae nabasookie, ekiagera obaangire.
6Naki yare koba buya onye ogotooreka ngwachera Abaisraeli korwa Sayoni!
Ekero Nyasae arairanerie abanto baye amaya abo,
abanto b’ororeria rwa Yakobo mbachenge,
ee, Abaisraeli mbabe nomogoko.
Currently Selected:
ZABURI 53: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
