ZABURI 4
4
Ogosaba kwa mogoroba ase okonyora ogokonywa
(Ogotera gwa Daudi)
1Aye Nyasae, aye okong’a oboronge,
ong’iranerie ekero ngokorangeria!
Ekero narenge nkomiga‐migwa nobokong’u nigo kwang’ete ribaga rigare.
Indorera amabera, na oigwe ogosaba kwane!
2Inwe mwanyabanto,
ngoika ririri moragenderere korentera obonene bwane echayo?
Ngoika ririri moragenderere gwancha amang’ana a bosa
na korigia ay’oborimo?
3Manya ng’a Omonene bwechoreire omonyene oboronge.
Omonene nigo akonyigwa ekero nkomosaba.
4Mobee, korende timokora ebibe;
morengereria mono amang’ana ayio ekero mokorara ase amarere aino,
na mobe abatoereru.
5Karue ebing’wanso bi’oboronge,
na mosemerie Omonene.
6Mbare abanto abange bagokwana:
“Naki yare koba buya onye ntwanyora ayare amaya.”
Aye Omonene, tiga omobaso bw’obosio bwao otomorekere.
7Omosasoko oyo kwang’eire ase enkoro yane ime
nigo are omuya kobua oyo abanto bande bakonyora,
abwo bare nobonge bw’endagera na edivai.
8Ekero ngochia gwetoora,
nigo nkorara chitoro inde nomorembe,
ekiagera aye Omonene, naye okogera imenye ase okorendwa okuya.
Currently Selected:
ZABURI 4: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
