ZABURI 3
3
Ogosaba kwa mambia ase okonyora ogokonywa
(Ogotera gwa Daudi ekero arenge gotama Abisalomu, omwana oye)
1Aye Omonene, ababisa baane nigo bare abange;
abange mono banyimokeire gonkora bobe.
2Abange nigo bagokwana igoro yane, bateba:
Nyasae tancheti komotooria.#3:2 Aiga Ekeibirania nigo kerikire “Sela”; naboigo ase chinsemo chinde ase Zaburi. Ring’ana erio nigo rigwatorwa amo neriogi ri’amatera.
3Korende aye Omonene, naye enguba yane,
naye obonene bwane,
nigo okong’iraneria oboremu.
4Nigo nkorera ase Omonene ng’a ankonye,
nere nigo akong’iraneria korwa ase egetunwa kiaye egechenu.
5Nigo ngwetoora na korara chitoro,
erio naboka naende, ekiagera Omonene nigo agendererete kondenda.
6Tindi koiroka ababisa chilifu chinyinge,
abwo bakonyimokera ase chinsemo chiane chionsi.
7Aye Omonene, inchuo!
Aye Nyasae one, ntoorie!
Aye gwaakire ababisa baane bonsi ase chinsea,
kwabunire amaino ’abakori amabe.
8Ogotooreka nigo gokorwa asore aye Omonene;
ase ayio, sesenia abanto bao.
Currently Selected:
ZABURI 3: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
