ZABURI 32
32
Okoorokia ebibe na konyora okwaberwa
(Ogotera gwa Daudi)
1Nasesenirie omonto oyo bwabeirwe ogosaria kwaye,
na ebibe biaye biatubirwe.
2Nasesenirie omonto oyo Omonene atabarereti okomocha kwaye,
oyo otari nobong’ainereria ase omoyo oye ime.
3Ekero konya ntaraorokia ebibe biane,
omobere one okoma pa ase okwerera omobaso boira.
4Omobaso na obotuko okoboko kwao gokanditoera negesusuro;
chinguru chiane chikaera buna amache akoera ekero ki’egurugura.
5Erio ngakoorokeria ebibe biane,
gose tinakobisete okomocha kwane,
ngateba, “Nimoorokerie Omonene ogosaria kwane,”
erio okanyabera ebibe biane bionsi.
6Ase ayio, kera omonto oyokoirogete tiga agosabe ase engaki y’emechando.
Ekero amache amange agotirimboka gocha bwango, tabaisa komoikera.
7Aye naye obwebiso bwane, nondendete korwa ase emechando,
nimbe nomogoko na omochengo, ekiagera gwantooririe.
8Ninkworokererie na gokoraa ase enchera ogwenerete kogenda;
ningosemie, na amaiso aane nakorigererie.
9Timoba buna chibarasi ne chiyombo chitari nobong’aini,
echigwenerete chibekerwe chinkini na ebigobanio bi’ogochigambera.
10Omokori amabe nare namaakwa amange,
korende oyomosemeretie Omonene,
Omonene nigo amoetananeretie nobwanchani botari koera.
11Inwe abanyene oboronge, mogokere Omonene na komochengera;
inwe mwensi abamore ne chinkoro chindonge, aka eriogi nomogoko.
Currently Selected:
ZABURI 32: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
