ZABURI 2
2
Omoruoti omochore o Nyasae
1Nase ki abanto b’ebisaku bagokora riroroche?
Nase ki abanto bagokora emeroberio ere bosa?
2Abaruoti b’ense bebekire ang’e,
na abagambi nigo bakogamba amo
ase okwanga Omonene na Omoakwa Amaguta oye.
3Nigo bagotebania, “Tobutore ebisibo biabo,
totugute chingori chiabo batosiberete!”
4Omonene oria oikaransete aaria igoro,
nigo agoseka na kobakorera echeche.
5Erio nakwane nabarabwo ase endamwamu yaye,
abagose ase ekeririanda kiaye, ogoteba,
6“Nabekire omoruoti one ase Sayoni,
egetunwa kiane egechenu.”
7Omoruoti otebire, “Nindarie amang’ana Omonene aroberetie.
Ere agantebia: Aye naye Omwana one,
rero nakoiboire.
8Omborie, na inche ninkoe ebisaku bionsi bibe omwando oo,
ne chinsemo chionsi chi’ense nchibe echiao.
9Aye nobabutore nenyimbo y’ekioma,
obasegenyie babe buna enyongo yaatirwe.”
10Ase ayio, inwe abaruoti, mobe abang’aini,
inwe abagambi b’ense, igwera ogokurerwa oko:
11Mokorere Omonene more nobwoba na okoiguswa.
12Tung’ama inse na koorokia amasikani ase Omwana oye.
Motakoreti bo, nigo arabe nendamwamu,
abasirie ase chinchera chiaino,
ekiagera endamwamu yaye nigo egwoka bwango.
Mbasesenirie abanto bonsi bakomotamera.
Currently Selected:
ZABURI 2: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
