ZABURI 26
26
Ogosaba kw’omonto otari na komocha
(Ogotera gwa Daudi)
1Aye Omonene, ing’a oboronge bwane;
ekiagera nabeire ntari na komocha;
naboigo ngosemeretie aye Omonene ntari ne chitang’u‐tang’u.
2Omonene, inteeme na ondenge;
orenge enkoro yane na ebirengererio biane.
3Nigo ndigereretie obwanchani bwao bogendererete botambe
na gotaara ase obwegenwa bwao.
4Tindi gosanga nabanyaborimo,
gose tindi kogosoria nabang’ainereria.
5Inche nigo ngechete gosanga nabanto bagokora amabe,
na tingwancha goikaransa amo nabanto abakayayu.
6Nigo ngoisaba amaboko aane ase okoorokia ng’a tindi na komocha,
erio naetanana egesasimero kiao, aye Omonene,
7imba ngotera neriogi rinene gokoiraneria ng’a mbuya mono
na koraria ogokora kwao kw’ogokumia.
8Aye Omonene, inche nigo nyanchete obomenyo bwao,
aase obonene bwao bore.
9Tosiria omoyo one ekero ogosiria abanyabibe;
gose obogima bwane ekero ogosiria abaiti.
10Abanto abwo bagokora emeroberio y’obonyaka,
na amaboko abo a borio nigo aichire namaaki.
11Inche nigo inde norogendo rotari na komocha;
indorere amabera na omboorie.
12Amagoro aane nigo agotenena aase aateremu;
nintogie Omonene ase egati y’omosangererekano omonene.
Currently Selected:
ZABURI 26: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
