ZABURI 27
27
Ogosaba kw’ogotogia
(Ogotera gwa Daudi)
1Omonene nere omobaso one, na ogotooreka kwane,
ning’o ndanyare koiroka?
Omonene nere eburi ekengerete obogima bwane,
monto ki ndanyare kwoboa?
2Ekero abakori amabe bakong’umokera ng’a bamere,
ababisa baane abwo bangechete nigo baragochwe na kogwa.
3Neba omoganda omonene bw’esegi ong’etananire,
enkoro yane tekoba nobwoba;
gose abanto nabachicha kondwania esegi,
inche nigo ndagenderere koba noboremu.
4Nasabire ring’ana erimo korwa ase Omonene.
Erio nario nganetie:
Imenye ase enyomba y’Omonene ase amatuko onsi ay’obogima bwane,
erinde ndore oboseera bw’Omonene
na kona‐koboiranerera ase Hekalu yaye.
5Ase engaki y’emechando nantube ase ekiriri kiaye;
nambise ase eema yaye ime,
Nanyimokie ambeke ase egetare igoro.
6Ninyimokererigwa igoro ase ababisa baane bang’etanaine.
Ase eema yaye ime nindue ebing’wanso inde nomochengo;
ninterere Omonene na komotogia.
7Aye Omonene, oigwe okorera kwane,
indorere amabera na oiranerie ogosaba kwane.
8Aye gwatebire, “Indigie ondore obosio bwane.”
Na enkoro yane nigo ekogotebia, “Omonene, inche igo nkorigia obosio bwao.”
9Aye Nyasae one ore ogotooreka kwane,
tobisa obosio bwao korwa asende;
tontiga kore nendamwamu.
Aye kwabeire kogonkonya botambe, tontuguta gose tontiga.
10Onye tata na baba baraba bagontiga,
Omonene nang’ire imbe oyoye.
11Aye Omonene, inyorokererie enchera yao;
indaae ong’eterie aase aateremu,
ntooreke korwa ase ababisa baane.
12Tobaisa kondua ase ababisa baane bankore buna banchete;
birori b’oborimo banyimokeire,
bagontianera nobotindi.
13Naenekirie ng’a nindore obuya bw’Omonene;
ase ense y’abanto bare moyo.
14Remereria oganye Omonene,
kabe omoremu, tokwa omoyo;
ee, remereria oganye Omonene!
Currently Selected:
ZABURI 27: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
