ZABURI 21
21
Ogotogia ase engencho y’obobui
(Ogotera gwa Daudi)
1Aye Omonene, omoruoti nigo agokerete chinguru chiao,
na gochengera obobui kwamoeire.
2Kwamoeire okogania gw’enkoro yaye;
na totangeti aya aboretie korwa asore.
3Aye kwamorenteire ogosesenigwa okuya;
kwamobekeire egutwa y’etahabu echenire ase omotwe oye.
4Akagosaba ng’a omoe obogima, naye okabomoa;
okamoa amatuko amange amenye kogenderera botambe.
5Amasikani ’omoruoti nigo are amanene, ekiagera aye kwamokonyire;
kwamoeire obonene obonge na ogosika okonene.
6Ee, kwamokorire koba ogoseseneka gwa kare na kare,
kwamogokeire, ekiagera ore amo nere botambe.
7Omoruoti nigo asemeretie Omonene, na ase engencho y’obwanchani bw’Omonene Ore Igoro bogendererete botambe
ere takonyara kwoboa.
8Aye Omoruoti, noikeere ababisa bao bonsi;
nobwate nokoboko kwao gw’okorio abwo bakogechete.
9Ekero orabaorokere nobakore booke buna omorero ekebemberi.
Omonene nabasirie nendamwamu yaye enene;
omorero nobasambe, bayie baere.
10Aye noite abana babo, obasirie korwa ase ense,
na ororeria rwabo orosirie kegima korwa ase mwanyabanto.
11Kobarabe bagokora emeroberio y’ogokora bobe,
gose korengereria chinchera chi’okorenta emechando, tibakobua,
12ekiagera nobaserie batame,
nobarenge emegwe ase amasio abo.
13Aye Omonene otogigwe ase engencho ye chinguru chiao,
intwe ntobe togotera ogotera kw’ogotogia okobua kwao.
Currently Selected:
ZABURI 21: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
