ZABURI 20
20
Ogosaba gw’okonyora obobui
(Ogotera gwa Daudi)
1Tiga Omonene aigwe ogosaba kwao ase engaki y’emechando.
Erieta ria Nyasae o Yakobo rikorende.
2Ere nagotomere ogokonywa korwa ase obomenyo bwaye obochenu,
na akoe chinguru korwa ase Sayoni.
3Tiga ainyore okorua kwao gwonsi,
anche na kogokera ebing’wanso biao bionsi bi’ogosambwa.
4Tiga akoe ogokania gw’enkoro yao,
na aikeranie emeroberio yao yonsi.
5Erio toake amariogi ’omogoko ase engencho y’obobui bwao,
toimokererie igoro ebendera y’erieta ria Nyasae oito!
Tiga Omonene aikeranie okoboria kwao kw’oboitongo.
6Bono namanyire ng’a Omonene nae omoakwa amaguta oye obobui,
namoiranerie korwa aase aye aachenu aaria igoro,
namoe obobui goetera ase okoboko kwaye gw’okorio.
7Abanto bande nigo basemeretie chigari chi’esegi,
na abande chibarasi chi’esegi,
korende intwe nigo tosemeretie erieta ri’Omonene, Nyasae oito.
8Barabwo nigo baragochwe bagwe inse
korende intwe nigo toragororoke totenene boronge.
9Aye Omonene, kae omoruoti oo gwachorire obobui;
otoiranerie ekero togokorangeria!
Currently Selected:
ZABURI 20: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
