ZABURI 1
1
EBUKU YE RITANG’ANI
(1—41)
Omogoko bw’ekeene
1Nasesenirie omonto oria otari gotunyana chingencho chi’abakori amabe,
gose tari kobwatia chinchera chi’abanyabibe,
gose tari gosanga amo nabagochecheria Nyasae,
2korende amachiko ’Omonene naro akomogokia mono,
na amachiko ayio nigo akoyairanerera omobaso na obotuko.
3Ere nigo anga buna omote osimekire rooche mbarabare,
oyokwama okwama kwaye ekero engaki yaye egoika,
na amato aye tari kwoma,
na rinde rionsi agokora nigo agosesenigwa.
4Abakori amabe tibari bo,
korende nigo banga buna omoiriro okoirurukigwa nomwaga.
5Ase ayio, abakori amabe tibagocha gwekengera ase rituko ri’ekina,
gose abanyabibe ase omosangererekano bw’abanyene oboronge.
6Omonene namanyete enchera y’abanyene oboronge,
korende enchera y’abakori amabe nesire.
Currently Selected:
ZABURI 1: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
