ZABURI 17
17
Ogosaba kw’omonto otari na komocha
(Ogotera gwa Daudi)
1Aye Omonene, tegerera oigwe okogania kwane kw’ogokorerwa oboronge,
igwa okorera kwane na ogosaba kwane,
omonwa one tori gokwana obong’ainereria.
2Aye omonyene onachere ekina gi’okong’a oboronge,
amaiso ao nigo akorora ayare ay’ekeene.
3Aye kwarengire enkoro yane,
nonya nase obotuko nigo ogonteema,
kwauna‐unirie na tonyoreti gento,
amabe are ase enkoro yane tinkoyakwana.
4Ande onsi abanto bagokora,
na koreng’ana namang’ana ao
natigire kobwatia chinchera chi’abasaria.
5Nabeire nkobwatia chinchera chiao botambe;
amagoro aane tana‐gotererigwa.
6Nyasae, nigo ngokorangeria ng’a onkonye, ekiagera aye nong’itabere;
tegerera oigwe amang’ana aane ngokoboria.
7Aye Omotooria bw’abagotamera
okoboko kwao kwa borio korwa ase ababisa babo,
oorokia obwanchani bwao bw’ogokumia.
8Indende buna orendete endorero y’eriso riao;
intube ase ekiriri gie chimbaba chiao;
9mbise korwa ase abakori amabe, abarigetie gonsiria,
korwa ase ababisa bang’etanaine bang’ite.
10Abanto abwo bare ne chinkoro chitari namabera
nigo bagokwana amang’ana ’oboenenu.
11Bono bang’etananire ase chinsemo chionsi;
banaaririe, erinde bambwate na konyiyeria inse.
12Barabwo nigo banga buna endo eganetie orotwari;
buna endo ensae eboete ase egesarara.
13Omonene, imoka! Orwanie ababisa baane obabue!
Ntoorie korwa ase abakori amabe ase okobarwania nomoro oo;
14ee, Omonene, ntoorie nokoboko kwao korwa ase abanto abwo.
Barabwo nabanto b’ense eye, egetari kiabo neki’obogima obo.
Chinda chiabo chiisaneke nebinto ebio kwabagacheire,
biisane nase abana babo,
naende abachokoro babo batigerwe ebiatigaire.
15Korende inche nindore obosio bwao inde noboronge;
ekero ndabokigwe ning’isaneke ase ogokorora.
Currently Selected:
ZABURI 17: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
