ZABURI 16
16
Okomosemeria Omonene
(Ogotera gwa Daudi)
1Aye Nyasae, ondende,
ekiagera naye ngotamera.
2Nigo ngotebia Omonene, “Aye naye Omonene one,
obuya bwonsi inde nabwo nigo bokorwa asore.”
3Abanto abachenu bare ase ense nigo bare nobonene obonene;
abwo nabwo bangogetie mono.
4Abwo bakominyokera chinyasae ching’ao,
nigo bakwementera emechando.
Tinkoumora okoruegwa kw’amanyinga okwo bakorua,
gose tingwatora amarieta abo nebikoba biane.
5Omonene nere egetare kiane;
nere akong’a onsi aya ngwenerete konyora;
ere igo arendete aya antungetie.
6Ebintungetie biangwereire agwo aase are aagiya,
ee, omwando one nigo ore omuya mono.
7Nigo ngotogia Omonene oyo ogonsemia,
ase obotuko enkoro yane nigo egontebereria gokora igo.
8Botambe nigo ndigereretie Omonene;
ere nigo are ensemo yane y’okorio, tinkwoboa.
9Ase igo enkoro yane nigo ere nomosasoko amo nomoyo one;
nonya nomobere one nigo omenyete ase oborendi obuya.
10Aye togontiga agwo aase abakure,
gose togotiga omochenu oo arore ogosareka.
11Aye nomanyie enchera ekogenda ase obogima;
ase obosio bwao noreo omogoko omonge;
ase ensemo yao y’okorio mboreo obwansu obuya goika kare na kare.
Currently Selected:
ZABURI 16: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
