ZABURI 142
142
Ogosaba ng’a nkonywe korwa ase omochandi
(1 Sam 22:1)
(Ogosaba gwa Daudi ekero arenge ase rikuruma)
1Nigo nkorera neriogi ase okorangeria Omonene,
naaka eriogi ase okomosaba amabera.
2Nigo nkorenta obokong’u bwane ase obosio bwaye
na komotebia emechando yane.
3Ekero nkoba buna oyo okogireka,
aye nomanyete ase ngoetera.
Agwo ase ngoeta ababisa bambekeire amareba.
4Ekero nkorigereria ase ensemo yane y’okorio,
tindi korora monto aroro ogonkonya;
gose tindi korora aase ndatamere,
monto onde tari okonyechandera.
5Aye Omonene, nigo nkorera asore;
nigo ngoteba: Naye ore obotamero bwane,
na egetare kiane aiga ase ense y’abanto bare moyo.
6Tegerera oigwe ekerero kiane,
ekiagera nachandekire mono!
Ntoorie korwa ase abanto abwo bagonchanda,
ekiagera nigo babwate chinguru kombua.
7Osibore omoyo one korwa ase obosibwa,
erinde imbe ngotogia erieta riao.
Abanyene oboronge mbang’etanane, ekiagera gwankoreire amaya.
Currently Selected:
ZABURI 142: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
