ZABURI 141
141
Ogosaba ng’a nkonywe korwa ase ase ababisa
(Ogotera gwa Daudi)
1Omonene, nigo ngokorangeria, ayerera oche bwango!
Tegerera oigwe eriogi riane ekero ngokorangeria.
2Bwanchere ogosaba kwane buna ubani,
na amaboko aane aimokereirie igoro oyanchere buna ekeng’wanso kia mogoroba!
3Aye Omonene, beka omorendi ase omonwa one,
abe okorenda ebikoba biane.
4Totiga enkoro yane egobere yanche amang’ana amabe.
Tontiga inare gokora ayare amabe amo nabwo bagokora ebibe;
tingosanga amo nabarabwo ase emeyega.
5Tiga oyore omonyaboronge ang’ake na antogonyere ase obwanchani,
okwo nigo konga buna amaguta akweakwa,
na omotwe one toyaanga.
Botambe nigo ogosaba kwane kore mamincha y’abakori amabe.
6Ekero abagambi babo baraturunkanigwe ase egetare,
abanto mbanche amang’ana aane ng’a namaya.
7Amauga aito nigo asiareire ase omogo bw’embeera,
buna ebisamunye bie chinko,
gose ebi’amagena bigosiarerwa ase riroba igoro.
8Korende amaiso aane nigo arigereretie gocha asore, aye Omonene;
naye ngotamera, tibwanga omoyo one.
9Indende korwa ase emeeto bantegeire;
na korwa ase amareba ’abakori amabe.
10Tiga abakori amabe abwo bagwe ase ebichanga biabo abanyene,
korende inche ntooreke.
Currently Selected:
ZABURI 141: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
