ZABURI 143
143
Ogosaba gw’okonyora ogokonywa
(Ogotera gwa Daudi)
1Aye Omonene, oigwe ogosaba kwane;
ase engencho y’oboronge bwao otegerere ogosorora kwane,
ong’iranerie ase engencho y’obwegenwa bwao.
2Tobaisa kong’ira inche omosomba oo ase ekegambero,
ekiagera ase abwo bare moyo onde tari ore omoronge asore.
3Omobisa one obeire okorigia omoyo one;
obeire ogontiringera inse ase amaroba,
ong’ikaransirie ase omosunte,
nabeire buna omonto okwete kare.
4Ase ayio omoika ore ime yane oborirwe chinguru,
na enkoro yane yairianyekire.
5Nigo nkoinyora amatuko a kare,
na korengereria igoro y’ogokora kwao gwonsi,
naba nkona‐koiranerera emeremo y’amaboko ao.
6Nigo nkorambora amaboko aane gocha asore,
omoyo one nigo ore nerang’o asore,
buna riro ba rirang’ete embura.
7Aye Omonene, ing’iranerie bwango!
Omoika nkong’erera ore!
Tombisa obosio bwao
mbaise koba buna abwo bakogenda ase chimbeera.
8Kera emambia omanyie obwanchani bwao bogenderere botambe,
ekiagera naye nyegenete.
Inyorokererie enchera ngwenerete kobwatia,
ekiagera narure omoyo one asore.
9Aye Omonene, ntoorie korwa ase ababisa baane;
nagotameire ombise.
10Inyorokererie imanye gokora ogwancha kwao,
ekiagera naye ore Nyasae one!
Tiga Omoika oo omuya ondaae ase enchera ere endonge.
11Aye Omonene, ing’a obogima oboyia ase engencho y’erieta riao;
na ase engencho y’oboronge bwao
rusia omoyo one korwa ase emechando.
12Ase engencho y’obwanchani bwao bwa botambe, siria ababisa baane;
siria kegima abwo bonsi bagochanda omoyo one,
ekiagera inche nigo inde omosomba oo.
Currently Selected:
ZABURI 143: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
