ZABURI 137
137
Okobokia amagombo kw’Abaisraeli agwo ase ense ya Babeli
1Nigo twarenge goikaransa ase chingegu chie chindooche chia Babeli,
twaba tokorera ekero twarenge koinyora Sayoni.
2Aroro agwo nigo twasungete amakano aito ase emete enga buna emesobeti.
3Abanto baria batwosete bakagania tobaterere,
abachandi abwo baito bakagania tobagokie, bagateba,
“Toterere ogotera gwa Sayoni.”
4Naki torakore totere ogotera kw’Omonene ase ense engeni?
5Aye Yerusalemu, inse gokweba,
rirorio okoboko kwane gw’okorio kogatae.
6Onye tingokoinyora aye Yerusalemu,
erinde obe omogoko one omonene mono,
rirorio tiga oromeme rwane robwatane namang’ang’ura.
7Aye Omonene, inyora amabe aya abanto b’Edomu bakorete
ase rituko riria Yerusalemu obwatetwe;
buna batebete, “Yotagore kegima!
Yotagore amo noboroso bwaye!”
8Inwe abanto ba Babeli nigo mogochia gosirigwa.
Nabe negesio oyio ogochia kobaakana
amabe aya mwabeire mogotokorera.
9Nabe negesio omonto oyio ogochia koira abana baino abake
na kobaakera ase amagena ’Ebitare.
Currently Selected:
ZABURI 137: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
