ZABURI 136
136
Okoiraneria ng’a mbuya mono ase Nyasae
1Moakere Omonene ng’a mbuya mono, ekiagera ere nomuya;
obwanchani bwaye nigo bogendererete goika kare na kare.
2Moakere Nyasae, oyobuete chinyasae, ng’a mbuya mono,
ekiagera obwanchani bwaye nigo bogendererete goika kare na kare.
3Moakere Omonene bw’abanene ng’a mbuya mono,
ekiagera obwanchani bwaye nigo bogendererete goika kare na kare.
4Nere bweka okorete amakumia amanene,
ekiagera obwanchani bwaye nigo
bogendererete goika kare na kare.
5Ere ase obong’aini bwaye nigo atongete igoro,
ekiagera obwanchani bwaye nigo bogendererete goika kare na kare.
6Ere oramborete ense, akayiaara ase amache,
ekiagera obwanchani bwaye nigo bogendererete goika kare na kare.
7Ere okorete emebaso eria emenene,
ekiagera obwanchani bwaye nigo bogendererete goika kare na kare.
8Akabeka erioba rigambe mobaso,
ekiagera obwanchani bwaye nigo bogendererete goika kare na kare.
9Akabeka omotienyi ne ching’enang’eni bigambe botuko,
ekiagera obwanchani bwaye nigo bogendererete goika kare na kare.
10Ere nigo aitete abana abatangi ba Misiri, ne ching’iti chintangi boigo,
ekiagera obwanchani bwaye nigo bogendererete goika kare na kare.
11Erio akang’anyia Abaisraeli korwa ase Abamisiri,
ekiagera obwanchani bwaye nigo bogendererete goika kare na kare.
12Akabarusia aroro nokoboko kwaye gwe chinguru koramboire,
ekiagera obwanchani bwaye nigo bogendererete goika kare na kare.
13Ere nigo aatananete Enyancha Embariri,
ekiagera obwanchani bwaye nigo bogendererete goika kare na kare.
14Erio akaambokeria Abaisraeli aroro,
ekiagera obwanchani bwaye nigo bogendererete goika kare na kare.
15Ere akarimeria Farao amo nemeganda yaye ase Enyancha Embariri,
ekiagera obwanchani bwaye nigo bogendererete goika kare na kare.
16Ere nigo araaete abanto baye goetera ase erooro,
ekiagera obwanchani bwaye nigo bogendererete goika kare na kare.
17Ere nigo aitete abaruoti barenge ne chinguru,
ekiagera obwanchani bwaye nigo bogendererete goika kare na kare.
18Ere nigo aitete abaruoti abakumete,
ekiagera obwanchani bwaye nigo bogendererete goika kare na kare.
19Agaita Sihoni, omoruoti bw’Abaamoni,
ekiagera obwanchani bwaye nigo bogendererete goika kare na kare.
20Agaita na Ogi, omoruoti o Basani,
ekiagera obwanchani bwaye nigo bogendererete goika kare na kare.
21Akabaura chinse chiabo chikaba omwando bw’abanto baye,
ekiagera obwanchani bwaye nigo bogendererete goika kare na kare.
22Chinse echio chikaba omwando bw’Abaisraeli, abasomba baye,
ekiagera obwanchani bwaye nigo bogendererete goika kare na kare.
23Ere nigo atoinyorete ekero twarenge aboro,
ekiagera obwanchani bwaye nigo bogendererete goika kare na kare.
24Ere nigo atotooretie korwa ase ababisa baito,
ekiagera obwanchani bwaye nigo bogendererete goika kare na kare.
25Ere nigo akorua endagera oa ebitongwa bionsi bire moyo,
ekiagera obwanchani bwaye nigo bogendererete goika kare na kare.
26Moakere Nyasae o igoro ng’a mbuya mono,
ekiagera obwanchani bwaye nigo bogendererete goika kare na kare.
Currently Selected:
ZABURI 136: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
