ZABURI 13
13
Ogosaba korwa ase enkoro echandegete mono
(Ogotera gwa Daudi)
1Omonene, ngoika ririri oragenderere konyeba? Ngoika kare na kare?
Ngoika ririri orabe kobisete obosio bwao ng’a tondora?
2Ngoika ririri ndabe ndemereretie emechando ase omoyo one,
imbe nobororo ase enkoro yane rituko ase rituko?
Ngoika ririri omobisa one arabe okogokera emechando yane?
3Aye Omonene, Nyasae one, ondigererie,
ong’iranerie ase ogosaba kwane!
Ondamokie amaiso aane,
timbaisa korara chitoro chi’amakweri.
4Totiga omobisa one atebe ng’a ombuire,
na ababisa baane bonsi bachengere okogwa kwane.
5Ninsemerie obwanchani bwao botari koera,
enkoro yane negokere ogotooreka gokorwa asore.
6Ningoterere aye Omonene,
ekiagera gwankoreire amaya amange.
Currently Selected:
ZABURI 13: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
