ZABURI 14
14
Obobe bwa mwanyabanto
(Zab 53)
(Ogotera gwa Daudi)
1Abanto abariri nigo bagoteba ase chinkoro chiabo ime, “Nyasae tari.”
Barabwo nabasareku, bagokora amang’ana ay’okogechia;
onde tari ogokora ayare amaya, nonya noyomo.
2Omonene nigo arigereretie mwanyabanto korwa igoro,
arore gose monto onde nareo ore omong’aini,
oyokomorigia Nyasae.
3Abanto bonsi basirire enchera, bonsi amo bagundire;
onde tari ogokora amaya, nonya noyomo.
4Inee! Abanto aba bonsi abakori amabe tibari nokomanya?
Nigo bakoria abanto baane ase okobaurereria buna bakoria endagera yabo;
tibari korangeria Omonene abakonye.
5Erio agwo abanto abwo mbasogwe nomoondoko omonene mono,
ekiagera Nyasae nigo are amo nabanto abaronge.
6Inwe abakori amabe nigo mogochaya omoroberio bw’omonto otari na nguru,
korende Omonene nere obotamero bwaye.
7Naki yare koba buya onye ogotooreka ngwachera Abaisraeli korwa Sayoni!
Ekero Omonene arairanerie abanto baye amaya abo,
abanto b’ororeria rwa Yakobo mbachenge,
ee, Abaisraeli mbabe nomogoko.
Currently Selected:
ZABURI 14: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
