ZABURI 12
12
Ogosaba igoro y’ogokora okobe kwa mwanyabanto
(Ogotera gwa Daudi)
1Omonene, totoorie!
Abakoirogete aye Nyasae baerire,
abegenwa tibari konyorekana ase mwanyabanto.
2Abanto bonsi nigo bagotebania amang’ana ’oborimo;
nigo bare okong’o nyamenwa ebere na gokwana amang’ana ay’okweansia.
3Omonene okirie emenwa y’abwo bagokwana amang’ana ’okweansia,
ne chimeme chi’abwo bagwetogia ase amang’ana ’oboenenu.
4Barabwo nigo bagoteba, “Ase amang’ana ’emenwa yaito ntore ne chinguru,
aya togokwana nigo agotokonya.
Ning’o ore omonene gotobua?”
5Omonene nigo agoteba iga:
“Bono ninchiche, ekiagera abataka baregirwe na abaremerwa nkorera bare.
Ning’ee oborendi obuya ase abwo basemeretie kobonyora.”
6Amang’ana ’Omonene nigo are ay’obwegenwa na amachenu,
nigo agwekaine efeta yasambirwe ase riera ri’omorero na koumorwa inse,
yachenirwe ara gatano na kabere.
7Aye Omonene, otorende!
Otokengere botambe korwa ase obobe bw’ekegori eke.
8Abakori amabe nigo bagoetanana chinsemo chionsi,
na obonyaka bonde bwonsi bogotogigwa ase egati ya mwanyabanto.
Currently Selected:
ZABURI 12: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
