ZABURI 11
11
Okomosemeria Omonene ore Omonyene Oboronge
(Ogotera gwa Daudi)
1Omonene nere obotamero bwane.
Nase ki rende mogontebia: “Iruruka buna enyoni gochia ase ebitunwa?
2Rigereria abakori amabe buna bagotinga amata abo,
babeka chinsara chiabo ang’e ase chingori chi’amata,
erinde barase abanto bare ne chinkoro chindonge.
3Onye amaroso atagoirwe,
ngento ki omonto omoronge aranyare gokora?”
4Omonene nigo are ase Hekalu yaye enchenu,
ekerogo kiaye ki’obonene naaria igoro kere.
Amaiso aye nigo amongerete,
nigo arigereretie ase okorenga mwanyabanto.
5Omonene nigo akorenga abare abaronge na abakori amabe,
korende omoyo oye nogechete abakori amabe na abagokorera abande obotindi.
6Natwerie abakori amabe omorero bw’amakara,
amagena agosamba na omwaga ore ne riberera ritindi,
nigo birabe egesusuro kiabo.
7Omonene nomonyene oboronge,
nigo anchete ogokora kw’oboronge;
abanto abare ne chinkoro chindonge mbarore obosio bwaye.
Currently Selected:
ZABURI 11: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
