AYUBU 42
42
Ayubu ogwekeyia ase obosio bw’Omonene
1Erio Ayubu akairaneria Omonene, akabora:
2“Nimanyete ng’a aye nonyare gokora ebinto bionsi,
naende ng’a aya kwaganirie gokora takonyara gotangwa taba.
3Ninche ng’o mbwate ogosemia gotari nobong’aini?
Ase ayio nakwanire aya ntamanyeti,
amang’ana ’ogokumia ansinyire komanya.
4Koranche, ontegerere nkwane,
nkoborie, naye ontebie buna are.
5Nabeire nkoigwa igoro yao ase okoigwa namato rioka,
korende bono amaiso aane akororire.
6Ase ayio nechayire inche omonyene,
naende neakire orotu ne ribu ase ogweitia na koonchoka.”
Omoerio bw’amang’ana
7Omonene gakwanire amang’ana ayio n’Ayubu, agakwana n’Elifasi Omotemani, akamotebia, “Nabeire nendamwamu asore na ase abasani bao baria babere, ekiagera inwe timokwaneti ayare ay’oboronge igoro yane buna Ayubu, omosomba one, akwanete. 8Ase igo bono ira ase Ayubu, omosomba one, chieri isano na ibere, ne chimingichi isano na ibere; mochirue chibe ekeng’wanso ki’ogosambwa ase engencho yaino inwe abanyene. Ayubu, omosomba one, nabasabere, ekiagera inche nigo ndanchere ogosaba kwaye ase engencho yaino, timbaisa kobakorera buna oboriri bwaino bore. Inwe timokwaneti igoro yane amang’ana are ay’oboronge buna Ayubu, omosomba one, akwanete.”
9Ase igo Elifasi Omotemani, na Bilidadi Omosua, na Sofari Omonama, bakagenda bagakora buna Omonene abachigete, na Omonene aganchera ogosaba kw’Ayubu.
10Erio nyuma Ayubu gasabeire abasani baria baye, Omonene akairaneria Ayubu amaya aye, akamoa ebinto ara kabere kobua ebi abwate ritang’ani. 11Erio abamura bamwabo Ayubu, na abasubati bamwabo, na abasani baye bonsi abamomanyete agwo ritang’ani, bagacha asare, bakaragera amo nere nyomba mwaye. Bakamororera amabeebe na komoremia ase engencho y’amabe aria onsi Omonene amorerenterete, na kera oyomo akamoa chibesa na ebonyi eroisirie korwa ase etahabu.
12Omonene agasesenia amatuko a nyuma ay’Ayubu kobua aye ritang’ani. Boigo Ayubu akanyora ching’ondi chilifu ikomi na inye, ne chingamia chilifu isano nemo, ne chiombe chilifu ibere, ne chitigere chiaberi elifu eyemo. 13Boigo akaegwa abamura batano na babere, na abaiseke batato. 14Akaroka omoiseke omotang’ani Yemima, na oyo o kabere Kesia, na oyo o gatato Kereni‐Hapuki. 15Ase ense eyio yonsi bakungu bande tibarengeo baare abanyabieni buna abaiseke b’Ayubu, na ise akabaa omwando amo nabamura bamwabo.
16Na nyuma y’ayio Ayubu akagenderera koba moyo ase engaki y’emiaka rigana erimo, na emerongo ene, akarora abana baye, na abachokoro, na abachokororia, goika ekiaare gia kane. 17Na Ayubu agakwa kabeire omogotu mono.
Currently Selected:
AYUBU 42: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
