EMERENG’ANIO 7
7
1Omwana one, renda amang’ana aane, na obeke amachiko aane abeere ime yao. 2Bwata amachiko aane, erinde obe moyo; orende amorokererio aane buna orendete endorero y’eriso riao. 3Oyasibe ase ebiara bi’amaboko ao, na oyarike oyabeke ase enkoro yao. 4Tebia obong’aini, “Aye naye mosubati ominto”, na obomanyi oboroke omosani oo momanyaine, 5erinde bikorende korwa ase omokungu omonyaka ogokwana amang’ana ay’okoebereria.
Omokungu omonyaka
6Nigo narigereretie isiko goetera ase ekebao ki’enyomba yaane na ebichanga bi’aroro. 7Ase egati y’abanto batamanyeti amange, nkarora omomura ore ase egati y’abamura bande otabwati chisemi. 8Oyio nigo arenge goeta ase enchera yarenge ang’e nekoona agwo ase omokungu oria omonyaka amenyete agechoba‐chobania gochia ase enyomba yaye 9mogoroba kobokomura‐mura, ekero ki’omosunte bw’obotuko. 10Rora, omokungu agacha akaumerana nomomura oria. Omokungu oria nigo abegete chianga chi’obotayayi orenge omong’ainereria ase enkoro yaye. 11Nigo arenge omonyariogi otari kogoma nyomba mwaye. 12Nigo agosioma‐siomia aande onsi ase chinchera na ase chichiiro, na ase kera amatabekania oba oganyete. 13Erio omokungu oria akaboania omomura oria na komonyunyunta, akomorigereria namaiso, atari nobosooku, akomotebia, 14“Nariete eira korua ebing’wanso bi’omorembe; rituko ria rero nayeikeranirie. 15Ayio naro agera nacha gokorotota, nigo nakorigirie nomokia ng’a nkorore, na bono nakonyorire. 16Naarire oborere bwane nebirarero ebiya, na ebitambaa bimatonto bikorwa Misiri. 17Naboumoreire manemane, na amaguta ’omogaka, na ay’omodalasini botioke buya. 18Inchuo togokanie ase obotuko bwonsi goika mambia; inchuo twegokie nobwanchani. 19Omosacha one taiyo, ochiire orogendo orotambe. 20Nigo aira chibesa chire omobuko na nigo arairane omotienyi kobeire omonene,” 21Omokungu oria akaebereria omomura oria namang’ana amansu ao ao, na ase amang’ana ’ebikoba ebiterere akamobua. 22Ase obwango obwo omomura oria agatunyana omokungu oria buna eng’ombe ekoirwa konyenywa, gose buna omosibwa obwatirwe ogochia kobekwa chingataare. 23Ee, akamotunyana goika ensara ekamobeta egaika riini ime. Nigo abete buna enyoni ekoayerera gochia ase ebisugunia na tamanyete ng’a ayio nobogima bwaye agosiria.
24Inwe abana baane, ntegerera morengererie mono amang’ana nkobatebia. 25Chinkoro chiaino tichibaisa koonchorwa na kobwatia chingencho chi’omokungu buna oyio; gose orogendo rwaye tirobaisa gosiria obogima bwaino. 26Omokungu oyio oiyeirie abanto abange, ee, oitire omoganda omonene. 27Enyomba yaye nero enchera ekogenda aase abakure; ee, enchera eyio nigo ekogenda ase chiero chi’amakweri.
Currently Selected:
EMERENG’ANIO 7: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
