EMERENG’ANIO 19
19
1Omonto omotaka ore omwegenwa nigo are omuya kobua oyore omong’ainereria ase chinkwana chiaye naende omoriri.
2Tari buya omonto aborwe okomanya ase omoyo oye, na oyore namagoro amaango, nigo agosira.
3Oboriri bw’omonto nigo bokomosiria ase enchera yaye, erio enkoro y’omonto oyio yagechigwa ase Omonene.
4Omonto omonda nigo akonyora abasani abange, korende omotaka nigo akwangwa nomosani oye.
5Kirori bw’oborimo takomocha konyora egesusuro, na omonto ogokwana oborimo takomocha konyora egesusuro kiaye.
6Abanto abange nigo bakorigia ogwancherwa korwa ase abanene b’obogambi, na abange nigo bakoba abasani b’omonto okorua ebiegwa nomoyo omorabu.
7Omonto omotaka nigo akogechwa nabanto bamwabo bonsi, gose tikori ogokumia ng’a abasani baye bamotigire. Nigo egenete amang’ana abo, ko aba bosa asare.
8Omonto okonyora obong’aini, oyio nere obwanchire obogima bwaye, na oyo okorenda obomanyi bwaye nanyore amaya.
9Kirori bw’oborimo takomocha konyora egesusuro, na oyo ogokwana oborimo goika asire.
10Tari buya omonto omoriri amenye ase obogima bw’okwegokia; onye ere bo, tari buya omosomba agambere abagambi nonya ng’ake.
11Obong’aini bw’omonto nigo bokogera oremereria okogechigwa, na okoombia okomocha nigo kore obonene bwaye.
12Ekero omoruoti abeire nekeririanda nigo anga buna endo ekoruma, korende ogwancherwa kwaye nigo konga buna riime rire ase obonyansi.
13Omwana omomura omoriri nigo akorentera ise amabe, na omokungu okona‐kwomana nigo anga buna amatoima ’embura akona‐gotonya.
14Chinyomba ne chinibo nigo chire omwando abana bakonyora korwa ase abaise korende omokungu omong’aini nigo are ekeegwa korwa ase Omonene.
15Obworo nigo bokorentera omonto chitoro chindito, na omonto buna oyio goika abe nenchara.
16Omonto orendete amachiko, oyio nigo arendete obogima bwaye, korende oyo otari korenda chinchera chiaye nigo arakwe.
17Omonto okororera omotaka amabera, oyio nigo akorua singo ase Omonene, na Omonene namoakane ase ogokora okwo kwaye.
18Orokereria omwana oo omomura ase okomorongeyia ekero ogosemeria koreo, gose tobaisa komoganeria amakweri.
19Omonto ore nekeririanda, ekeene goika anyore egesusuro; oise komotanga kagokora bobe nigo okomoseegeta.
20Igwera ogosemigwa naende bwanche okworokererigwa, igo nario oranyore obong’aini boragokonye ase chingaki chire bosio.
21Emeroberio emenge nere ase enkoro y’omonto, korende nonya naboigo emeroberio y’Omonene nero eratenene.
22Okogania kw’omonto nigo gokworokia obuya bwaye, na omonto omotaka nigo are omuya mono kobua omonyaborimo.
23Okomoiroka Omonene nigo gokorenta obogima, na omonto ore nokoiroka okwo nigo agoisaneka, gose amabe takomonyora.
24Omonto omworo nigo akobeka okoboko kwaye ase esani y’endagera, gose tagokoimokia gocha ase omonwa oye.
25Aka omonto omonyacheche, na abanto batamanyeti amange mbeorokererie korwa ase ayio; togonyera omonto ore nokomanya, ere nigo aranyore chisemi.
26Omwana ore omotindi ase ise na ogoseria ng’ina, nigo akorenta obosooku na ogochaya.
27Omwana one, onye tokoigwera amorokererio nigo orasire korwa ase amang’ana akorenta chisemi.
28Kirori omobe nigo agochecheria oboronge, na omonwa bw’omokori amabe nigo ogworerete ebibe.
29Ekina ki’abanyacheche nigo kenachire, na abariri mbang’wanigwe ebiranya ase emegongo yabo.
Currently Selected:
EMERENG’ANIO 19: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
