OMOBARO 33
33
Orogendo korwa Misiri goika Moabu
1Aya naro amarieta ’ebitwori bi’Abaisraeli, ekero baare ase orogendo korwa ase ense ya Misiri, baare ase emeganda yabo inse y’oboraai bwa Musa na Haroni. 2Buna Omonene achigete Musa, nere akarika kera aase ase baare gotoora. Ebi nabio ebitwori biabo buna baare gotoora na koimoka kogenda:
3Ase omotienyi bwe ritang’ani, rituko ria ikomi na gatano, rituko riarenge kobwatia eri’Epasaka, Abaisraeli bakang’anya korwa ase ense ya Misiri. Bakaimoka korwa Ramesesi, bare noboremu. Bakarua ase amasio ’Abamisiri, 4ekero barabwo barenge gotindeka abana babo abatangi, baria Omonene aitete, naende akanachera chinyasae chiabo ekina.
5Abaisraeli bakarua Ramesesi, bakagenda Sukoti, bagatoora aroro.
6Bakarua Sukoti, bakagenda Etamu, ase ensinyo y’erooro, bagatoora aroro.
7Bakarua Etamu, bakaonchoka bakairana bagaika Pi‐Hahiroti, moocha ya Baali‐Sefoni, bagatoora ang’e na Migidoli.
8Bakarua agwo Pi‐Hahiroti, bakagenda bagaeta egati y’Enyancha Embariri gochia erooro. Erio bakagenda orogendo rw’amatuko atato ase erooro y’Etamu, bagatoora agwo Mara.
9Bakarua Mara, bakagenda bagaika Elimu, aase chinsoko chi’amache ikomi na ibere chiarenge amo nemekendo emerongo etano na ebere, bagatoora aroro.
10Bakarua Elimu, bakagenda bagaika ang’e n’Enyancha Embariri, bagatoora aroro.
11Bakarua aase aria bagaika erooro ya Sini, bagatoora aroro.
12Bakarua erooro ya Sini, bakagenda bagaika Dofuka, bagatoora aroro.
13Bakarua Dofuka, bakagenda bagaika Alusi, bagatoora aroro.
14Bakarua Alusi, bakagenda bagaika Refidimu, aase abanto batanyorete amache bakonywa, bagatoora aroro.
15Bakarua Refidimu, bakagenda bagaika erooro ya Sinai, bagatoora aroro.
16Bakarua erooro ya Sinai, bakagenda bagaika Kibiroti‐Hatawa, bagatoora aroro.
17Bakarua Kibiroti‐Hatawa, bakagenda bagaika Haseroti, bagatoora aroro.
18Bakarua Haseroti, bakagenda bagaika Ritima, bagatoora aroro.
19Bakarua Ritima, bakagenda bagaika Rimoni‐Peresi, bagatoora aroro.
20Bakarua Rimoni‐Peresi, bakagenda bagaika Libuna, bagatoora aroro.
21Bakarua Libuna, bakagenda bagaika Risa, bagatoora aroro.
22Bakarua Risa, bakagenda bagaika Kehelata, bagatoora aroro.
23Bakarua Kehelata, bakagenda bagaika egetunwa gia Seferi, bagatoora aroro.
24Bakarua egetunwa gia Seferi, bakagenda bagaika Harada, bagatoora aroro.
25Bakarua Harada, bakagenda bagaika Makeloti, bagatoora aroro.
26Bakarua Makeloti bakagenda bagaika Tahati, bagatoora aroro.
27Bakarua Tahati, bakagenda bagaika Tera, bagatoora aroro.
28Bakarua Tera, bakagenda bagaika Mitika, bagatoora aroro.
29Bakarua Mitika, bakagenda bagaika Hasimona, bagatoora aroro.
30Bakarua Hasimona, bakagenda bagaika Moseroti, bagatoora aroro.
31Bakarua Moseroti, bakagenda bagaika Bene‐Yakani, bagatoora aroro.
32Bakarua Bene‐Yakani, bakagenda bagaika Hori‐Hagidigadi, bagatoora aroro.
33Bakarua Hori‐Hagidigadi, bakagenda bagaika Yotibata, bagatoora aroro.
34Bakarua Yotibata, bakagenda bagaika Aburona, bagatoora aroro.
35Bakarua Aburona, bakagenda bagaika Esioni‐Geberi, bagatoora aroro.
36Bakarua Esioni‐Geberi, bakagenda bagaika erooro ya Sini (nao Kadeshi), bagatoora aroro.
37Bakarua Kadeshi, bakagenda bagaika egetunwa kia Hori, ang’e norobebe rw’ense ya Edomu, bagatoora aroro.
38Ase rituko rie ritang’ani ri’omotienyi o gatano, omwaka bw’emerongo ene nyuma Abaisraeli kobarure ense ya Misiri, Haroni omokuani agatiira gochia igoro ase egetunwa kia Hori, buna Omonene konya amochikire, agakwera aroro. 39Haroni konya okoorire emiaka rigana erimo, na emerongo ebere, na etato (123), ekero akwerete agwo ase egetunwa keria Hori.
40Na omoruoti orenge kogamba Aradi, ensemo ya irianyi ase ense ya Kanani, akaigwa ng’a Abaisraeli nigo bare inchera gocha.
41Abaisraeli bakarua egetunwa keria kia Hori, bakagenda bagaika Salimona bagatoora aroro.
42Bakarua Salimona, bakagenda bagaika Punoni, bagatoora aroro.
43Bakarua Punoni, bakagenda bagaika Oboti, bagatoora aroro.
44Bakarua Oboti, bakagenda bagaika Iye‐Abarimu, bagatoora aroro ase orobebe rwa Moabu.
45Bakarua agwo Iyumu, bakagenda bagaika Didoni‐Gadi, bagatoora aroro.
46Bakarua Diboni‐Gadi, bakagenda bagaika Alimoni‐Dibulataimu, bagatoora aroro.
47Bakarua Alimoni‐Dibulataimu, bagaika ebitunwa bi’Abarimu kororia Nebo bagatoora aroro.
48Bakarua ebitunwa bi’Abarimu, bakagenda bagaika ase ebirubo ebiomo bia Moabu, ang’e na Yorodan, kororia Yeriko, bagatoora aroro.
49Bagatoora ang’e na Yorodan, na egetwori kiabo kegachakera Beti‐Yesimoti, kegaikeera Abeli‐Sitimu, ase ebirubo ebiomo bia Moabu.
Abaisraeli bagotebererigwa ekero bataramboka orooche rwa Yorodan
50Agwo ase ebirubo ebiomo bia Moabu, ang’e na Yorodan, kororia Yeriko, Omonene agakwana na Musa, akamotebia, 51“Kwana n’Abaisraeli, obatebie: Ekero morabe mwambokire Yorodan na mwaikire ase ense ya Kanani, 52moserie abanto ababiare bonsi b’ense eria barue ase amasio aino. Naende mosarie emegwekano yabo eyio bagosasima eroisirie korwa ase ebioma binyititoire na kobombwa, motagore aase aimokererete igoro ase bagosasimera. 53Moire ense yabo ebe eyaino momenyeo, ekiagera nabayeire. 54Mwatanane ense eria ase kera egesaku ase ogoaka obomera. Moe abanto b’egesaku ekenene orogongo oronene robe omwando obo, na abanto b’egesaku egeke orogongo oroke robe orwabo. Obomera koboragwere omonto, omwando oria nobe oyo bw’omonto oyio. Kera egesaku keegwe omwando buna obomera borakegwere. Inamoegwe emiando koreng’ana nebisaku bie chisokoro chiaino. 55Korende onye timogoseria ababiare b’ense eria barue asemore, rirorio baria moratige bamenye amo nainwe nababe buna chimbambo chinyoge chikobabeta amaiso aino, na buna amagwa akobabeta ase amakere aino; barabwo nababachande ase ense eyio mogochia komenya. 56Motabasereti, rirorio nimbakore inwe buna konya narengereirie gokora barabwo.”
Currently Selected:
OMOBARO 33: EKEGUSIIBBLE
Highlight
Share
Compare
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
