OMOBARO 25
25
Abaisraeli bare ase Peori
1Ekero Abaisraeli batoorete agwo Sitimu, abanto bagachaka gokora obotomani nabakungu b’Abamoabu. 2Abwo bakarangeria Abaisraeli bagende ase emeyega y’ebing’wanso yarenge gokorerwa chinyasae chiabo, na barabwo bakabiria, naende bagasasima chinyasae chi’Abamoabu. 3Abaisraeli bakabwatana nenyasae yarenge korokwa Baali‐Peori, bakayesasima. Omonene akaba nendamwamu enene asebare. 4Erio agatebia Musa, “Renta abatang’ani bonsi b’Abaisraeli, obasunge agwo ase obosio bwane erioba ribasambe, erinde endamwamu yane enene etige Abaisraeli.” 5Erio Musa agatebia abagambi b’Abaisraeli, “Kera oyomo asemore, tiga aite abanto baye bonsi baria babwatanire na Baali‐Peori.”
6Omoisraeli oyomo agacha akarentana omokungu oyomo bw’Abamidiani ase eamate yaye, ase obosio bwa Musa amo nomoganda bwonsi kobateneine agwo ase egesoero ki’Eema y’Omosangererekano, bakorera. 7Finehasi, mosinto bw’Eleazari o Haroni omokuani, akaimoka korwa ase omoganda bw’Abaisraeli, akabogoria ritimo, 8akabwatia omonto oria gochia ase akanyomba ka ime, akababeta ritimo bonsi babere, Omoisraeli oria amo nomokungu oria, ase chinda chiabo. Ase igo amaakwa aria agatiga goita Abaisraeli.
9Korende abanto abakwete ase ogoakwa okwo nigo babete chilifu emerongo ebere na inye (24,000).
10Omonene agakwana na Musa, akamotebia, 11“Finehasi, mosinto bw’Eleazari o Haroni omokuani, nere ogera endamwamu yane yatigire Abaisraeli, ekiagera ere aba ne risemi buna inche inde ne risemi ase egati y’abanto aba. Ase ayio tinasiretie bonsi ase risemi riane. 12Ase ayio, motebie ng’a, ngokora inde nere okobwatana kwane kw’omorembe. 13Okobwatana okwo kw’omorembe nkobe asare ere, na ase ororeria rwaye, okobwatana kwa botambe kw’obokuani, ekiagera abete ne risemi ase engencho yane, inche Nyasae oye, naende agakora okobwatanigwa ase Abaisraeli.”
14Omoisraeli oria oitetwe amo nomokungu Omomidiani nigo arenge korokwa Simuri, mosinto o Salu, omotang’ani bw’eamate yaye ase egesaku gia Simeoni. 15Omokungu oria bw’Abamidiani oitetwe ere nigo arenge korokwa Kosibi. Suri ise nere orenge omotang’ani bwe chiamate chinde chi’Abamidiani.
16Omonene agakwana na Musa, akamotebia, 17“Umokera Abamidiani, obasirie, 18ekiagera barabwo babachandire ase okobaebereria gosasima Peori, na ase amang’ana a Kosibi, omosubati oria bw’omonene bw’Abamidiani. Omosubati oria obo oitetwe ase rituko riria amaakwa achete ase engencho ya Peori.”
Currently Selected:
OMOBARO 25: EKEGUSIIBBLE
Highlight
Share
Compare
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
