OMOBARO 17
17
Enyimbo ya Haroni
1Omonene agakwana na Musa, akamotebia, 2“Kwana n’Abaisraeli, obatebie ng’a bakoe chinyimbo chiabo, eyemo ase kera omotang’ani o kera egesaku kiabo, chinyimbo ikomi na ibere, Orike erieta ria kera oyomo ase enyimbo yaye. 3Orike erieta ria Haroni ase enyimbo y’egesaku kia Lawi. Kera omotang’ani bwe chiamate chia kera egesaku abe nenyimbo eyemo. 4Erio obeke chinyimbo echio ime ase Eema y’Omosangererekano bosio bw’Esanduku eria ere ne chibao chirikire oborori, agwo ase inche ndaumerane nainwe. 5Enyimbo y’omonto oria inche ndachore neseboke. Ase enchera eyio ninkore Abaisraeli batige kwemurungania mamincha yane, naende ningere batige kwemurungania mamincha yaino.”
6Musa agakwana n’Abaisraeli, akabatebia amang’ana ayio, na abaraai bonsi be chiamate chia kera egesaku bakamoa chinyimbo chiabo, chinyimbo ikomi na ibere, na enyimbo ya Haroni nigo yarenge ase egati ye chinyimbo chiria. 7Musa akaira chinyimbo chiria ime ase Eema y’Oborori, agachibekao ase obosio bw’Omonene.
8Rituko ria kabere Musa agasoa ase Eema eria y’Oborori, akarora enyimbo ya Haroni, eyatenenerete egesaku kia Lawi, yasebokire, ne chinsagia echio chiasokirie amamumu na ebisicha, naende chiamire amatunda amalozi atobire. 9Erio Musa agasokia isiko chinyimbo chiria chionsi korwa ase obosio bw’Omonene, agachirenta ase Abaisraeli bonsi. Abwo bagachirigereria, na kera omonto akabogoria enyimbo yaye. 10Omonene agatebia Musa, “Irania enyimbo ya Haroni ebeere agwo bosio bw’Esanduku ere noborori, erinde egachwe ebe ekemanyererio ki’ogokurera abanto batari koigwera. Nabo okirie okwemurungania kwabo asende, timbaisa koigwa amang’ana buna ayio, mbaise kobaita bakwe.” 11Naboigo Musa akorete buna Omonene amochigete.
12Abaisraeli bagatebia Musa, “Rora, intwe twaikeire omoerio oito, twakure, twasirire intwe twensi. 13Kera omonto ogoika ang’e ase Obomenyo bw’Omonene, goika akwe. Inee! Ntwensi pi togochia gokwa?”
Currently Selected:
OMOBARO 17: EKEGUSIIBBLE
Highlight
Share
Compare
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
