AYUBU 41
41
Amang’ana ande igoro ya Leviatani
1“Inee! Aye nonyare kong’usa Leviatani, eng’iti enene y’okwoboyia, korwa rooche nendobio.
Gose nonyare gosiba oromeme rwaye nengori?
2Nonyare gosoyia engori ime ase chimioro chiaye,
gose kobochora orosea rwaye nendobio?
3Inee! Nenyare gokoboria amang’ana amange ase oboitongo?
Gose nenyare gokwana naye amang’ana amororo?
4Ero nekore okobwatana amo naye,
ng’a ebe omosomba oo kogendera botambe?
5Inee! Nokore egosori nero buna orakore nenyoni?
Gose oyebeke ekorere abasomba bao abaiseke egosori?
6Inee! Abaoonia mbakorerane rigori igoro yaye,
gose bayebutorane ase okoyeoonerania?
7Nonyare kobochora riiyo riaye ne ritimo rikobeta chinswe?
Gose ritimo erio ndibete omotwe oye riyobochore?
8Rambora okoboko kwao oyebwate,
erio oteeme gokora esegi nero.
Tokoiranera eria kabere.”
9“Ekero omonto agoteema igo, nigo ogosemeria kwaye kogosira kegima;
nonya nase okoyerora rioka, omonto nigo akwerusia moyo.
10Onde tari ore omotindi oraremererie ayechegie.
Ning’o rende oranyare gotenena ase obosio bwane?
11Ning’o ong’eire egento ritang’ani ng’a nainche imogeakane?
Gento kende gionsi kere inse y’erioba nekiane.”
12“Inche tingotiga ting’orokia buna ebiimo biaye bire,
naende buna okobua ne chinguru chiaye bire,
na buna amauga ’omobere oye aagachegete buya.
13Ning’o oranyare koyiaboria risankwa riaye?
Ning’o oranyare gosoyia okoboko kwaye gati‐gati y’amaino aye?
14Ning’o oraasamie omonwa oye?
Amaino aye nigo are ay’okwoboyia mono.
15Obonene bwaye namagonko aye anga buna chinguba, achokaine chindwaro;
nigo abwataine amo amo, buna ayanantirie.
16Rigonko erimo nigo risoaine nerinde ang’e kegima,
nonya nembeo tekonyara gosoera gati yabo.
17Nigo erinde ribwatanirie nerinde;
naro nigo asoaine, takonyara gwatananwa.
18Ekero egwasimora, chinsase nigo chigosoka chiamoreka,
amaiso aye nigo anga buna amasase agosakia mambia.
19Chinsase chi’omorero nigo chikorwa ase omonwa oye;
ee, chinsase nigo chigotaroka korwa asere.
20Erioki nigo rigosoka korwa ase chimioro chiaye,
buna enyongo ekobera egosokia omooki bw’amache.
21Omoika bw’omonwa oye nigo ogosoka buna ekebemberi ki’omorero,
na omorero nigo ogosoka korwa ase omonwa oye,
22Rigoti riaye nigo ribwate chinguru,
na okoondokia nigo kore bosio bwaye.
23Emenia y’omobere oye nigo ekinyaine amo;
nigo yesibete bokong’u ase omobere oye, tekonyarwa kobwatokanigwa.
24Enkoro yaye nenkong’u buna
rigena, ee, nenkong’u buna orogena rogosia.
25Ekero ekoimoka gotenena, abanto chituoni nigo bakwoboa mono;
ekero ekorindoka gocha nigo bagotang’ang’a.
26Nerutwa omoro oyegwere, tori koyekorera kende,
nonya ne ritimo, gose ensara, gose esimisi.
27Ekioma nigo kenga risakwe asere,
na etaai nigo enga omote ogundire.
28Ensara tekoyioboyia etame;
amagena ’enduruche akorutwa nigo anga buna amasakwe.
29Chinungu nigo chinga buna amasakwe asere;
ekero amatimo akwoga gocha nigo egoseka.
30Ase enda yaye nigo ebwate ebigionkorio ebioge;
nigo egotiga ebimanyerererio buna ebi’egari y’okoorera egokurura ase etintira.
31Nigo egoserokia amache korwa ase chindiba inse,
nigo egokora amache ’enyancha aba buna amaguta aburukanirie.
32Enchera yaeteire nigo ekogenderera komesa,
enyancha inse nigo egokagwa ng’a nechimbuche.
33Getongwa kende tikeri igoro ase ense kenga ero,
ekio giatongetwe getari kwoboa.
34Nigo ekorigereria kera egento kere igoro mono etari gokioboa,
nigo ere omoruoti bw’ebitongwa bionsi bire noboenenu.”
Currently Selected:
AYUBU 41: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
