AYUBU 40
40
1Naende Omonene akagenderera gokwana, agatebia Ayubu,
2“Inee! Omonto okona‐korigia amamocho naamereranie n’Omonguru?
Aye okona‐koamererania na Nyasae, iraneria rende!”
Ayubu okoiraneria Omonene
3Erio Ayubu akairaneria Omonene, agateba:
4“Naama! Inche ting’isaini kende,
ngento ki ndanyare gokoiraneria?
Natubire omonwa one nokoboko kwane.
5Inche nakwanire rimo, tinkomenta gento;
ee, nakwanire kabere, korende tinkogenderera goetania ayio.”
Omonene ogotebia Ayubu abe omoitongo
6Erio korwa ase ekembugu‐mbugu ime Omonene akairaneria Ayubu, akamotebia:
7“Tenena okong’e buna omosacha,
inche ngokoboria nde, naye ong’iranerie.
8Inee! Nonyare kombara ng’a nomomochi inde?
Norigetie kongambia inche, erinde obarerwe oboronge?
9Aye nobwate okoboko buna okwane inche Nyasae?
Nonyare kogukura neriogi riao buna inche nkogukura?
10Aye echabere nobonene na obwari,
eboyie ogosikwa na okobua.
11Siara ekeririanda gi’okogechigwa kwao,
erio origererie kera omonto ore omoenenu, omokeyie.
12Ee, rigereria oyio ore omoenenu, omokeyie,
na abakori amabe obatindachere inse agwo ase bateneine.
13Abwo bonsi babise ime ase amaroba;
obwateranie bokong’u amasio abo ime y’ense inse.
14Igo inche ninyancherane naye,
ng’a okoboko kwao gw’okorio ngokoe okobua.
15“Rigereria engubo! Eyio natongete buna nagotongete aye.
Nigo ekorisia obonyansi buna eng’ombe.
16Rora, chinguru chiaye nigo chire ase ekenema kiaye,
na okobua kwaye nigo kore ase chinyama chi’enda yaye.
17Ekemincha kiaye nigo kere egekong’u pa buna omocharake,
na emeki y’amariagati aye nigo esisekaine amo.
18Amauga aye nigo are amakong’u buna emebirangwa eroisirie korwa ase etaai;
ee, amauga ’omobere oye nigo anga buna emeriibo y’ebioma.
19“Ero negetongwa ki’ogokumia inche Nyasae natongete;
inche nayetongete, nayeete amaino anga buna emioro.
20Endagera ekoria nigo ekwama ase ebitunwa igoro,
agwo ase ching’iti chi’orosana chikogosoreria.
21Nigo ekorara ase ekiriri ki’omote okorokwa lotusi,
yebisa na gokenderera ime ase ebitonto bire ase etente.
22Omote oyio noro ore ekiriri kiaye;
ee, emete enga buna emesobeti nigo eyeetanaine.
23Rora, nonya orooche rore nemerindo, ero teri kwoboa;
nonya orooche rwa Yorodan rokominyoka gocha ase omonwa oye,
nigo ere noboremu.
24Inee! Omonto nanyare koyebwata ekero ere ase riraro riaye?
Gose nabochore chimioro chiaye ayesibe nengori?”
Currently Selected:
AYUBU 40: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
